„RĚČ A MEDIJE“ (BZ) (Dokumentacija – Konferenca Komisije za słowjanske spisowne rěče při Mjezynarodnym komiteju slawistow 2014 w Budyšinje)

Jana Šołćina je wot lěta 1998 čłonka Komisije za słowjanske spisowne rěče při Mjezynarodnym komiteju slawistow, kotrejež lětne zeńdźenje wuhotowa 16.–18. junija 2014 Serbski institut w Budyšinje. Mjeztym zo stejachu na zańdźenych zeńdźenjach w srjedźišću temy kaž „Rěč a móc“ (2010), „Rěč a kodifikacija“ (2011) kaž tež „Rěč a politika“ (2012) , wěnowaše so Budyska konferenca tematiskemu wobłukej „Rěč a medije“. W dohromady 19 přednoškach zaběrachu so wědomostnicy z dźewjeć krajow z tym, kak so jednotliwe słowjanske rěče w tradicionalnych a wosebje w nowych medijach prezentuja a kajke z toho problemy wurostu. Tematiski spektrum přinoškow sahaše wot rěčneje kultury, normatiwnosće a wužiwanja rěče přez modernizaciju rěče w medijach hač k leksikografiskim prašenjam.
Wuslědki konferency maja so we wjacerěčnym zběrniku wozjewić, kotryž ma w lěće 2015 wuńć. Mjezynarodnej přistupnosći přinoškow słuži přełožk zjećow a klučowych kłowow do jendźelšćiny.


Wuslědki

Nawod projekta: Jana Šołćina
Na projekće wobdźěleni: Anja Pohončowa