Rewizije dolnoserbskeje Biblije

Wudaśe dolnoserbskego pśełožka Nowego Testamenta pśez Fabriciusa (1709) a pśełožk Starego Testamenta pśez Fryca (1796) stej wažnej etapje we wuwiśu dolnoserbskeje pisneje rěcy. Wobej teksta twóritej mimo togo zakład dalšnych edicijow dolnoserbskeje Biblije až k slědnemu cełkownemu wudaśu tejesameje w lěśe 1868. W projekśe stej se pśirownałej teksta Fabriciusa a Fryca z rewizijami Šyndlarja (1821/1824) a Tešnarja (1860/1868). Pśespytowali su se mimo ortografiskich diferencow wósebnje změny we wobłuku leksiki, fonetiki a morfologije. Na taki part su se mógali pokazaś a dokumentěrowaś wšake wuwiśowe schójźeńki norměrowanja dolnoserbskeje pisneje rěcy.


Na projekśe wobźělone: Fabian Kaulfürst