Serbski Institut Serbski Institut Mobil
Navigation

RĚČESPYT (Budyšin/Choćebuz)


Rěčespytnicy dotalneho Choćebuskeho wotrjada za delnjoserbske slědźenja a dotal w Budyšinje zaměstnjeny rěčespytny wotrjad su so wot 1.1.2015 do noweho, jednotneho rěčespytneho wotrjada z dwěmaj dźěłanišćomaj zjednoćili. Wobaj wotrjadaj stej hižo w zańdźenych lětach wusko kooperowałoj, na př. při dźěle na němsko-delnjoserbskim šulskim słowniku abo při spřistupnjenju digitalneju tekstoweju korpusow w interneće. Dalši přikład je nowy němsko-hornjoserbski słownik, na kotrymž so tuchwilu w Budyšinje dźěła a kotryž złožuje so na nazhonjenja při wobdźěłanju němsko-delnjoserbskeho online-słownika.
Wobchowanje wobeju stejišćow Serbskeho instituta zaruča tež w přichodźe přeslědźenje hornjo- a delnjoserbšćiny kaž tež serbskich dialektow. Nětko fuzioněrowanej wotrjadaj w Budyšinje a Choćebuzu měještej w minjenym času zdźěla wšelake ćežišća: w Delnjej Łužicy bóle na polu rěčneje dokumentacije, w Hornjej Łužicy pak skerje we wobłuku leksikologije/frazeologije a slědźenja wo bilingualnym přiswojenju rěče. Tute rozdźěle móža dale wobstać, dalokož wotpowěduja wone wšelakim wobstejnosćam w Hornjej a Delnjej Łužicy. Zdobom chowa wšelakore wuwiće wotrjadow po lěće 1992, jako so Serbski institut a z tym tež jeho Choćebuska wotnožka znowa załoži, tež potencial za produktiwne dalewuwiće noweho zjednoćeneho wotrjada. Tradicionelnje pak wobsteja tež dźěłowe wobłuki, kotrež maja za delnjo- a hornjoserbšćinu jenaki wuznam: k tomu słušeja wosebje leksikologija a leksikografija. Zdobom mamy nadawk, ze sorabistiskej kompetencu tež w mjezynarodnym slawistiskim a mjeńšinowym slědźenju přinošować.

We wobłuku swojich móžnosćow steja sobudźěłaćerjo rěčespytneho wotrjada tež dale za rěčne poradźowanje k dispoziciji. Rěčnej praksy słuži tež jich sobuskutkowanje w Hornjoserbskej a Delnjoserbskej rěčnej komisiji, kotrejž jako měrodajnej rěčnokulturnej gremijej kodifikatoriske rozsudy za hornjo- a delnjoserbšćinu tworitej.

Institutny jubilej

23.–25.11.2017: Mjezynarodna konferenca w Budyšinje

Reformacija a etniskosć. Serbja, Letojo a Estojo w 16. a 17. lětstotku
» progam

Marie Skłodowska-Curie Actions

Zwjazk 63 Spisow Serbskeho instituta wušoł

Michael Richter: Deutsche Parteien in der sorbischen Oberlausitz 1945–1953.
Die politische Entwicklung in den zweisprachigen Kreisen nach dem Zweiten Weltkrieg
SORBISCHES INSTITUT - SERBSKI INSTITUT
Bahnhofstraße/Dwórnišćowa 6
D-02625 Bautzen/Budyšin