Suche Leichte Sprache Seite vorlesen Darstellung
 Suche  Leichte Sprache  Seite vorlesen  Darstellung

Iselt, Richard (1889–1965)

Iselt, Max Richard

* 2. 4. 1889 Budyšin / Bautzen
† 16. 10. 1965 Budyšin / Bautzen

Wučer, spisowaćel.

1904–10 Krajnostawski wučerski seminar w Budyšinje; 1910 wučer we Wulkim Wjelkowje, 1911–13 w Hornjej Hórce, 1913–21 w Poršicach, 1922–27 w Komorowje pola Klukša, 1927–29 w Bukecach, 1929–41 kantor a šulski nawoda w Poršicach, 1941 přesadźeny jako wučer do Beskidow, 1945 wojak a wójnski jaty, 1945–48 sobudźěłaćer šulskeho wotrjada Domowiny, 1948–57 načolnik Serbskeje centralneje biblioteki, wot 1951 při Instituće za serbski ludospyt, 1957 na wuměnk.
Spisowaćelić započa L. hakle po 1948 a wozjewješe swoje powědančka w Nowej dobje, Protyce a
Rozhledźe. Je to wosebje dopomnjenkarska literatura. Z němčiny přełoži dwě dźěćacej knižce a pjeć dźiwadłowych hrow.

WOZJ.: „Z brěmješka dopomnjenkow“, Budyšin 1951; „Bitwa w serbskej korčmje“, Budyšin 1962; Daniel Defoe, „Robinson“, Budyšin 1949 (přeł.); Jonathan Swift, „Guliwer pola palčikow“,
Berlin 1951 (přeł.)

ŽÓ./LIT.: R. Jenč, Předsłowo – Z brěmješka dopomnjenkow, Budyšin 1951, str. 5-6; J. Młynk, Nekrolog – Nowa Doba 19, 255, 30. 10. 1965, Předźenak

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984