Suche Leichte Sprache Seite vorlesen Darstellung
 Suche  Leichte Sprache  Seite vorlesen  Darstellung

Lubjenski, Pawoł (1895–1970)

Lubensky, Paul

* 25. 1. 1895 Bukecy / Hochkirch
† 20. 2. 1970 Bukecy / Hochkirch

Blidarski mišter, narodny prócowar.

Wot 1909 blidarski wučomnik pola nana w ródnej wsy, blidar a wot 1923 blidarski mišter, mjez tym 1916–18 a 1939–45 wojak.
Po tradiciji Lubjenskec domu běše L. z młodych lět aktiwny w serbskim kulturnym žiwjenju, zastupi 1919 do Domowiny. Na jeho iniciatiwu załoži so w Bukecach serbske spěwanske towarstwo Radosć, kotrehož předsyda běše. L. organizowaše we Weimarskej republice zajězdy z kulturnym programom tež do Delnjeje Łužicy. Wón běše sobuzałožer Serbskeje sokołskeje jednoty w Bukecach. Skutkowaše tež w dohladowarskej radźe drustwa Smolerjec knihićišćernje. Po 1945 běše mj. dr. předsyda wjesneho serbskeho ludoweho wuběrka w Bukecach, městopředsyda wikowanskeho drustwa, sobustaw wjesneje gmejnskeje rady. 1945–50 běše župan Domowinskeje župy Lubij a předsyda skupiny w Bukecach.

ŽÓ./LIT.: G. Lazar, Nekrolog – Pomhaj Bóh 20 (1970), 4, str. 4

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984