Suche Leichte Sprache Seite vorlesen Darstellung
 Suche  Leichte Sprache  Seite vorlesen  Darstellung

Mencl, Jurij (1903–1951)

Mentzel, Georg

* 21. 6. 1903 Koslow / Caßlau
† 20. 10. 1951 Chrósćicy / Crostwitz

Časnikar, ludowy herc a přeslědźer ludowych hudźbnych instrumentow.

Srjedźna měšćanska šula w Budyšinje, wučba časnikarstwa; 1922–41 samostatny časnikar w Dobrošicach a 1941–51 w Chrósćicach.
1924 nawukny M. wot J. Kuška hrać na wulke serbske husle, kotrež wot njeho dósta, a zachowa tónle
narodny instrument žiwy. Sta so ze zahoritym popularizatorom wědy wo serbskich hudźbnych nastrojach, studowaše jich techniku hraća a stawizny a wozjewi wo tym pojednani „Serbske husle. Mały stawizniski rozhlad“ (Serbske Nowiny 3.-5.12., 7.12., 9.12., 10.12.1935) a „Naša stara serbska tarakawa tu zaso je“ (Serbske Nowiny 5.3.1937). Jako fachowc na tutym polu zdoby sej šěrše připóznaće w Němskej a tež we wukraju, tak přednošowaše samo na Drježdźanskim konserwatoriju.

DALŠE WOZJ.: Stary časnik – Katolski Posoł 71 (1933), str. 365 sl.; Serbske časnikarki – Nowa doba 2, 57, 17.7.1948

ŽÓ./LIT.: P. G.: Serbski husler-časnikar – Nowa doba 2 (5.5.1948) 34; K. Buk: Jurij Mencl. Serbski časnikar a husler. – Nowa doba 5 (10.11.1951) 130; J. Raupp: Sorbische Volksmusikinstrumente und der „Atlas der deutschen Volkskunde“ 1937/39 – Lětopis C 20 (1977), str. 32-45

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984