Wićazec, Herta (1819–1885)

Lehmann, Henriette

* 4. 2. 1819 Budyšin / Bautzen
† 24. 3. 1885 Budyšin / Bautzen

Šwalča, basnjerka.

1841–54 dopisowaše sej přećelsce z J. B. Mučinkom, kotryž jeje basnjenje sylnje spěchowaše. Wona bě wot němskeje klasiskeje a načasneje sentimentalneje poezije wowliwowana, pěsnješe serbsce a němsce. Jeje dwanaće znatych basnjow a někotre małe powědančka – wozjewjene w Tydźenskich a pozdźišo w Serbskich Nowinach – je A. Černý znowa wotkrył.

ŽÓ./LIT.: A. Černý, Herta Wićazec. Přinošk k serbskemu basnistwu – Časopis Maćicy Serbskeje 53 (1900), str. 105-128; J. Cyž. Z listow Herty Wićazec, w lětach 1843–1855 pisanych – Časopis Maćicy Serbskeje 59 (1906), str. 14-41

Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984