Lody ze serbskimi napismami s\u0142u\u0161aju k dw\u00f3jor\u011bcnej Dolnej \u0141u\u017eycy. Dwa sobu\u017a\u011b\u0142a\u015berja Serbskego instituta zb\u011bratej p\u015bik\u0142ady takich napismow, aby je analyz\u011browa\u0142ej.<\/p>\n
Chto\u017e j\u011b\u017ao p\u00f3 g\u0142ownej droze p\u015bez Hu\u0161ta\u0144 (W\u00fcstenhain), tomu padnjo sna\u017a wjelika tofla ze serbskim mjenim K\u015bi\u0161owka do w\u00f3cowu. How namakajo\u0161 Wilhelmojc lodowu kafejownju, k\u00f3tara\u017e jo pomjenjona za bliskeju t\u0161ugu K\u015bi\u0161owka (na nimske Greifenhainer Flie\u00df, a\u017e do 1937 Kzschischoka). Chto\u017e stupijo bli\u017eej k woknoju, \u017ao\u017e se p\u015bedawa lod, wugl\u011bdajo hy\u0161\u0107i w\u011bcej serbskego: Na A4-\u0142opjenje zg\u00f3nijo\u0161 w serbskej a nimskej r\u011bcy, a\u017e \u017ai\u015bi krydnu sw\u00f3j lod dermo, jolic a\u017e jen na serbske wob\u0161teluju. How se poka\u017eo, a\u017e wugronjenje na internetowem boce g\u00f3spodarjow<\/a> “Wir pflegen die in unserer Region \u00fcbliche Zweisprachigkeit Wendisch\/Deutsch” njejsu jano prozne s\u0142owa.<\/p>\n Kafejownja K\u015bi\u0161owka jo dobry p\u015bik\u0142ad za to, a\u017e serbska r\u011bc njewustupujo jano na wjele oficielnych toflach w serbskem sedle\u0144skem rumje, ale wordujo teke w\u00f3t priwatnych lu\u017ai abo p\u015bedewze\u015bow wu\u017eywana. Za take napisma interes\u011brujotej se sobu\u017ae\u0142a\u015berja Serbskego instituta, Evan Bleakly a Syman Blum<\/a>. We ramiku wjele w\u011bt\u0161ego projekta Digitalny portal k serbskim a \u0142u\u017eyskim r\u011bcnym a kulturnym krajinam<\/a> dokument\u011brujotej w\u0161ykne formy pisneje serbskeje r\u011bcy w Dolnej \u0141u\u017eycy, ako su wence za ku\u017edego k wi\u017aenju. Tuchylu stej ducy p\u00f3 jsach a m\u011bstach serbskego sedle\u0144skego teritoriuma.<\/p>\n Na sw\u00f3jich turach stej dal\u0161ne “serbske” lody nadej\u0161\u0142ej. Jadna w\u00f3t nich jo znata de\u0161a\u0144ska kafejownja Liska<\/em>, jadna filiala pjaka\u0155nje\/kondita\u0155nje Fuchs ze Stareje Darbnje. (Z li\u0161ku pak njama to m\u011b Liska<\/em> nic cyni\u015b, ale \u017ao sl\u011bdk na pjerwjej\u0161nu wobydla\u0155ku togo chromu, Elisabeth Batramowu, k\u00f3tarej\u017e su Liska gronili.) Ta kafejownja ma wopismo wejsna loda<\/em> a wita sw\u00f3je g\u00f3s\u0107i w\u00f3twenka z Witaj\u015bo k nam!<\/em>\u00a0L\u011bc wu\u017eywa se serbska r\u011bc how k p\u00f3dp\u011branju dw\u00f3jor\u011bcnos\u0107i abo dla hynak\u0161ych motiwow, njam\u00f3\u017eotej sl\u011b\u017aarja hy\u0161\u0107i groni\u015b. Zazda\u015bim pak g\u00f3\u017ae se serbskor\u011bcne elementy teke za marketing – nanejmjenjej w n\u011bkotarych bran\u017each. Sna\u017a k\u015b\u011b p\u015bedewze\u015barje na ten part sw\u00f3ju originalnos\u0107 a zw\u011bzanos\u0107 z \u0141u\u017eycu p\u00f3d\u0161marnu\u015b.<\/p>\n To wi\u017aimy zazda\u015bim pla lubnjojskego kosmetikowego salonka B\u0142ota Spa<\/em>. Grajkanje ze s\u0142owoma spa (wellnessowe kupanje) a \u015bpa \u2013 na logo teje \u015bpy nosy pismik “S” ma\u0142u kronku a dopomina na wu\u017eowego krala \u2013 drje njebu\u017ao wjele lu\u017ai p\u00f3zna\u015b, ale serbske s\u0142owo “B\u0142ota” jo relatiwnje derje znate. Z nim w\u00f3tzwignjo se ten salon w\u00f3t radneje licby p\u015bedewze\u015bow z nimskim s\u0142owom Spreewald<\/em> we mjenju. Za informacijami Casnika<\/em> (NC 16 w\u00f3t 20. apryla 2023) stej se wobsednika\u0155ce teke pla mjenjow sw\u00f3jich produktow w\u00f3t serbskich s\u0142owow abo stroninych mjenjow da\u0142ej inspir\u011browa\u015b. Na p\u015bik\u0142ad groni se masa\u017eam Quodda<\/em>, Moorige Tschummi<\/em> abo Uska Luke<\/em>. Take mjenja pasuju derje ku konceptoju teje \u015bpy, p\u015beto na internetowem boce teje sameje<\/a> nadej\u017ao\u0161 wjele drugich p\u00f3\u015b\u011bgow k B\u0142otam a \u0141u\u017eycy, mjazy drugim fota a filmiki b\u0142o\u015ba\u0144skeje natury.<\/p>\n Wjele jo takich lodow abo p\u015bedewze\u015bow w Dolnej \u0141u\u017eycy, ako na droze ze serbskim tekstom wabje? A dla cogo to g\u00f3tuju? Za tym budu na Serbskem institu\u015be dalej sl\u011b\u017ai\u015b. Tuchylu zb\u011braju nej\u017epjerwjej se g\u00f3\u017aece p\u015bik\u0142ady. S\u0107o-li Wy n\u011b\u017ai wugl\u011bdali priwatne serbske napisma w\u0161ych sortow (plakaty, tofle, transparenty, grafiti, nalipki atd.), ga m\u00f3\u017eo\u015bo je wjelgin rad institutoju zjawi\u015b. Napi\u0161\u0107o we tom pa\u017ae mejlku na simon.blum@serbski-institut.de<\/a>. Teke pokazki na oficielne dw\u00f3jor\u011bcne tofle z ortografiskimi zm\u00f3lkami abo z hynak\u0161ymi w\u00f3sebnos\u0107ami su wjelgin witane.<\/p>\n Ten spomnjety, nadr\u011bdowany projekt Digitalny portal k serbskim a \u0142u\u017eyskim r\u011bcnym a kulturnym krajinam<\/a> s\u0142u\u0161a k \u0161es\u0107im serbskim projektam w kraju Bramborska, k\u00f3tare\u017e se sp\u011bchuju ze zw\u011bzkowego sp\u011bchowa\u0144skego programa Serbska r\u011bc a kultura we procesu strukturneje zm\u011bny<\/em>. W\u00f3n jo drugi projekt z togo gjarnca na institu\u015be, p\u00f3sporomje za\u0142o\u017eenja nowego w\u00f3t\u017a\u011blenja za regionalne wuwi\u015be a wopl\u011bwanje mje\u0144\u0161ynow<\/a>. Projekt dej se sp\u011bchowa\u015b a\u017e do l\u011bta 2031, z 550.000 euro k l\u011btu.<\/p>\n