{"id":14442,"date":"2024-02-16T10:05:10","date_gmt":"2024-02-16T09:05:10","guid":{"rendered":"https:\/\/www.serbski-institut.de\/zemr-lindroz-a-njamaskleb-200-dolnoserbskich-mestnych-mjenjow-z-polskego-zela-dolneje-luzycy-a-nowe-rozklazenja-w-serwisoju-dolnoserbske-mjenja-wozjawjone\/"},"modified":"2024-02-16T10:08:16","modified_gmt":"2024-02-16T09:08:16","slug":"serwis-dolnoserbske-mjenja-rozsyrjony","status":"publish","type":"post","link":"https:\/\/www.serbski-institut.de\/ns\/serwis-dolnoserbske-mjenja-rozsyrjony\/","title":{"rendered":"\u017demr, Lindroz a Njama\u0161kl\u011bb – 200 dolnoserbskich m\u011bstnych mjenjow z p\u00f3lskego \u017a\u011b\u0142a Dolneje \u0141u\u017eycy a nowe rozk\u0142a\u017aenja w serwisoju “Dolnoserbske mjenja” w\u00f3zjawjone"},"content":{"rendered":"

Online-serwisoju “Dolnoserbske mjenja” jo se p\u015bed n\u011bkotarymi dnjami doda\u0142o pr\u011bdny raz 200 m\u011bstnych mjenjow z p\u00f3lskego \u017a\u011b\u0142a Dolneje \u0141u\u017eycy. Mimo togo jo se doda\u0142o 50 etymologiskich p\u015binoskow (wujasnjenja w\u00f3 p\u00f3cha\u017ae a w\u00f3znamje). Stakim jo n\u011bnto nagromadu 250 rozk\u0142a\u017aenjow za mjenja p\u015bistupnych. \u2013 Ju\u017eo w januarje jo se mjenjowy serwis we portalu “dolnoserbski.de” woboga\u015bi\u0142 w\u00f3 interaktiwnu k\u00f3rtu.<\/strong><\/p>\n

Tym n\u011b\u017ai 200 mjenjam m\u011bstow a jsow w \u017a\u011b\u0142u \u0141u\u017eyce, k\u00f3tary\u017e \u017ainsa la\u017ey w P\u00f3lskej, su p\u015bir\u011bdowane p\u00f3da\u015ba w\u00f3 \u017er\u011bd\u0142ach a literaturje, geografiske koordinaty, zw\u011bzane formy a fleksiske tabele \u2013 tak ako pla drugich mjenjow we tom portalu. Nowe jo, a\u017e jadna se pr\u011bdny raz w\u00f3 mjenja zwenka Nimskeje, k\u00f3tarym\u017e su se p\u015bidali teke p\u00f3lske mjenja. K nim s\u0142u\u0161aju mjaz drugim \u017demr<\/a> (p\u00f3lski Lubsko, nimski n\u011bga Sommerfeld,), Lindroz<\/a> (pl. Lipinki \u0141u\u017cyckie, ni. n\u011bga Linderode) a Njama\u0161kl\u011bb<\/a> (pl. Chlebowo, ni. n\u011bga Niemaschkleba).\u00a0P\u015bi tom su se roz\u0161yrili teke m\u00f3\u017enos\u0107i pytanja: W\u00f3tn\u011bnta m\u00f3\u017eo se wuzw\u00f3li\u015b resp. wobgranicowa\u015b a) typ pytanego mjenja (m\u011bstne m\u011b, m\u011b teritorialneje zastojnstwoweje jadnotki, familijowe m\u011b, p\u015bedm\u011b) a b) r\u011bc mjenja: dolnoserbska, nimska abo “lokalna” (we momen\u015be su to p\u00f3l\u0161\u0107ina, g\u00f3rnoserb\u0161\u0107ina a sl\u011bpja\u0144\u0161\u0107ina). Wu\u0161ej togo su kompleksne nap\u0161a\u0161owanja m\u00f3\u017ene.<\/p>\n

K drugemu jo serwis se woboga\u015bi\u0142 z p\u015binoskami w\u00f3 etymologiji<\/a> 50 mjenjow. Stakim su se w\u00f3zjawili rozk\u0142a\u017aenja za dogromady 250 m\u011bstnych a familijowych mjenjow. Pla po\u0142ojcy tych nowych p\u015binoskow jadna se w\u00f3 m\u011bstne mjenja, pla drugeje w\u00f3 familijowe mjenja. Kriterium za wuzw\u00f3lenje drugich jo by\u0142, a\u017e s\u0142u\u0161aju k nejces\u0107ej wustupujucym familijowym mjenjam serbskego p\u00f3chada, na p\u015b. Buda\u0155<\/a>, Jurk<\/a> a Krawc<\/a>. Cestos\u0107 jo se zw\u011bs\u0107i\u0142a z pomocu statistiskich datow “Digitalnego s\u0142ownika familijowych mjenjow Nimskeje” (Digitales Familiennamenw\u00f6rterbuch Deutschlands), z k\u00f3tarego\u017e awtorami Serbski institut w\u00f3t zachadnego l\u011bta wusko kooper\u011brujo.<\/p>\n

Serwis se wuwija w ramiku dweju projektowu: Digitalny portal k serbskim a \u0142u\u017eyskim r\u011bcnym a kulturnym krajinam<\/a>, sp\u011bchowane p\u015bez Za\u0142o\u017ebu za serbski lud ze sr\u011bdkow Zw\u011bzkowego minista\u0155stwa za nut\u015bikowne a domownju na zak\u0142a\u017ae p\u00f3stajenja Nimskego zw\u011bzkowego sejma, a Integrated Digital Sorbian Studies<\/a> we sp\u011bchowa\u0144skem programje “W\u011bda w\u00f3 sw\u011b\u015be. Strukturelne zm\u00f3cnjenje ma\u0142ych fachow” Volkswagenoweje za\u0142o\u017eby.<\/em><\/p>\n