{"id":9871,"date":"2022-10-14T11:08:35","date_gmt":"2022-10-14T09:08:35","guid":{"rendered":"https:\/\/www.serbski-institut.de\/serbski-institut-stara-se-wo-mjensynowu-perspektiwu-we-aktuelnem-procesu-psipoznasa-swetowego-derbstwa-w-luzycy\/"},"modified":"2022-10-14T11:08:35","modified_gmt":"2022-10-14T09:08:35","slug":"serbski-institut-stara-se-wo-mjensynowu-perspektiwu-we-aktuelnem-procesu-psipoznasa-swetowego-derbstwa-w-luzycy","status":"publish","type":"post","link":"https:\/\/www.serbski-institut.de\/ns\/serbski-institut-stara-se-wo-mjensynowu-perspektiwu-we-aktuelnem-procesu-psipoznasa-swetowego-derbstwa-w-luzycy\/","title":{"rendered":"Serbski institut stara se w\u00f3 mje\u0144\u0161ynowu perspektiwu we aktuelnem procesu p\u015bip\u00f3zna\u015ba sw\u011btowego derbstwa w \u0141u\u017eycy"},"content":{"rendered":"

Druga faza \u017a\u011b\u0142a na iniciatiwje za sw\u011btowe derbstwo UNESCO “\u0141u\u017eyska krajina n\u011bgaj\u0161nych wuglowych jamow” jo se zachopi\u0142a: We tych dnjach su se pr\u011bdny raz zmakali w\u0161ykne partnarje projektowego zw\u011bstka “Wuwijanje strategije a managementa za iniciatiwu p\u015bip\u00f3zna\u015ba \u0142u\u017eyskich n\u011bgaj\u0161nych wuglowych jamow ako sw\u011btowe derbstwo (LIL-SME)”, mjazy nimi teke Serbski institut (SI).<\/strong><\/p>\n

Akle srjodu (12. oktober) jo projektowa koordinatorka Lea Br\u00f6nner w\u00f3t ch\u00f3\u015bebuskego Institute for Heritage Management p\u015bedstaji\u0142a to p\u015bedewze\u015be w Lauchhammeru p\u015bed brunicowym wub\u011brkom kraja Bramborska.<\/p>\n

K projektowym partnarjam s\u0142u\u0161aju, p\u00f3sporomje IHM a Serbskego instituta, Institut za nowu industrijowu kulturu w Ch\u00f3\u015bebuzu (INIK), Bramborska techniska uniwersita Ch\u00f3\u015bebuz\u2012Z\u0142y Komorow a turistiski zw\u011bstk \u0141u\u017eyske jazori\u0161\u0107a z. T. Ten projektowy zw\u011bstk sp\u011bchujo se w ramiku iniciatiwy “Wu\u017eywanje zemje \u2012 inowacija\u2012 \u0141u\u017eyca” w\u00f3t Zw\u011bzkowego minista\u0155stwa za kub\u0142anje a sl\u011b\u017aenje (BMBF). To sp\u011bchowanje stanjo se we ramiku programa “P\u015bem\u011bnjenje p\u015bez inowaciju w regionje” (“Wandel durch Innovation in der Region”, skrotka WIR!). Oficielny start togo dw\u011bapo\u0142l\u011btnego projekta (ak dej tra\u015b do k\u00f3\u0144ca februara 2025) jo by\u0142 1. september.<\/p>\n

Z projektom “Trajuce implement\u011browanje serbskich p\u00f3trjebnos\u0107ow a ekspertizow we procesu p\u015bip\u00f3zna\u015ba sw\u011btowego derbstwa<\/a>” p\u015bew\u00f3\u017aujo Serbski institut p\u015biduce k\u0161ocenje na droze p\u015bip\u00f3zna\u015ba \u0142u\u017eyskich wuglowych jamow ako sw\u011btowe derbstwo. Mjazy drugim jo w\u00f3n groma\u017ae z IHM a INIK p\u015big\u00f3towa\u0142 ewaluaciju p\u015bez fachowu p\u015biradu, k\u00f3tara\u017e ra\u017ai Konferency kultusowych ministarjow (KMK). Serbski institut bu\u017ao p\u015biducych mjasecach dalej wjas\u0107 kulturnohistoriske sl\u011b\u017aenja k wucynkam terganja jsow a bu\u017ao dialog ze serbskeju zjawnos\u0107u intensiw\u011browa\u015b. (Fachowa p\u015birada bu\u017ao a\u017e do k\u00f3\u0144ca l\u011bta 2023 wu\u0161ej 20 p\u00f3\u017eedanjow Zw\u011bzkowych krajow g\u00f3dnos\u0107i\u015b a ra\u017ai\u015b Konferency kultusowych ministarjow p\u015bi rozsu\u017aenju. We sl\u011bdnem po\u0142 l\u011b\u015be su zastupniki p\u015birady na m\u011bs\u0107e se wop\u00f3znali ze w\u0161yknymi p\u00f3\u017eedanjami \u2013 to jo wa\u017eny kamu\u0161k we d\u0142ujckem a \u017eurniwem procesu.)<\/p>\n

Serbski institut naw\u011b\u017eo stakim direktnje na sw\u00f3j p\u015bedchadny projekt, ako jo \u017a\u011b\u0142 k\u0161ywowego projekta “LIL – sw\u011btowe derbstwo”: “Linije serbskich tradicijow we kulturnej krajinje \u0141u\u017eyca<\/a>” (dok\u00f3\u0144cowany w decemberu 2021). We tom k\u0161ywowem projek\u015be su projektowe partnarje potencial \u0142u\u017eyskich wuglowych jamow ako sw\u011btowe derbstwo UNESCO p\u015bespytowali a z tym zrownju technologiske a kulturelne w\u00f3sebnos\u0107i n\u011bgaj\u0161neje g\u00f3rnistwoweje krajiny p\u015besl\u011b\u017aili. Ten nejwa\u017enjej\u0161y rezultat teje proce jo by\u0142o p\u00f3\u017eedanje w\u00f3 p\u015biwze\u015be \u0142u\u017eyskich n\u011bgaj\u0161nych wuglowych jamow do tentatiwneje lis\u0107iny za sw\u011btowe derbstwo UNESCO. Bramborske minista\u0155stwo za g\u00f3spoda\u0155stwo, sl\u011b\u017aenje a kulturu (MWFK) jo to p\u00f3\u017eedanje we zgromadnem \u017a\u011ble ze sakskim Minista\u0155stwom za regionalne wuwi\u015be na 29. oktoberu 2021 Konferency kultusowych ministarjow p\u015bepowda\u0142o – w nimskej, engelskej, g\u00f3rnoserbskej a dolnoserbskej r\u011bcy. K tomu jo se w maju 2022 wuda\u0142a publikacija KULTUR[tagebau]LANDSCHAFT<\/a>, k\u00f3tara\u017e gl\u011bda ze w\u0161akich perspektiwow na fenomen “krajina n\u011bgaj\u0161nych wuglowych jamow”.<\/p>\n

Ekspertce, na k\u00f3tarej\u017e m\u00f3\u017eo\u015bo se wobro\u015bi\u015b:<\/strong><\/p>\n