RESEARCH FELLOWSHIP - SLĚDŹERSKI STIPENDIJ

Serbski institut ze sydłom w Budyšinje a wotnožku w Choćebuzu přewostaji lětnje dwaj abo tři stipendije za štyritydźenski slědźerski přebytk we Łužicy. Spěchowane su přebytki w ramiku dźěłowych projektow, kiž so z prašenjemi mjeńšinoweho slědźenja a/abo z rěču, stawiznami a kulturu Łužiskich Serbow zaběraja.
Stipendije wusměrjeja so na młodych a etablěrowanych wědomostnikow z tu- a wukraja. Wuměnjenja za to su wotzamknjeny wysokošulski studij (znajmjeńša master), wjele lubjacy projektowy koncept, kotryž so do slědźerskeho profila Serbskeho instituta hodźi, kaž tež za slědźerski přebytk trěbne rěčne wuměnjenja.

Tute spěchowanje wopřija jónkrótny stipendij we wysokosći 1.800 eurow, jónkrótne přewzaće kóštow za při- a wotjězd kaž tež přewostajenje dźěłoweho městna w Serbskim instituće. Wyše toho móže so wobstatk Serbskeho kulturneho archiwa kaž tež Serbskeje centralneje biblioteki wužiwać.

Wupisanje stipendijow so lětnje na internetowej stronje Serbskeho instituta wozjewi. Přichodny termin za zapodaće požadanja je 30. nowember 2021.

Wašemu požadanju připołožće prošu sćěhowace podłožki:

• ‎‎motiwaciske pismo, kotrež pokaza, čehodla přebytk w Serbskim instituće wunošny za Waš slědźerski projekt je,

• předstajenje slědźerskeho projekta, w kotrymž so rysuje tuchwilny staw slědźenja, wobsahi a zaměr kaž tež dotal wukonjane dźěłowe kročele (maks. pjeć stronow),
• informacije k wosobinje (žiwjenjoběh, wědomostne kwalifikacije, publikaciska lisćina),
• uniwersitne wuswědčenja,
  

• podaće móžnych terminow za slědźerski přebytk.

Waše požadanske podłožki pósćelće prošu wuwzaćnje přez e-mail kaž tež pdf-ku na sekretariat Serbskeho instituta: si@serbski-institut.de.
xx‎

» dotalne hóstne wědomostnicy