{"id":16318,"date":"2024-09-02T11:04:22","date_gmt":"2024-09-02T09:04:22","guid":{"rendered":"https:\/\/www.serbski-institut.de\/sledzenje\/sledzerska-kultura-zawescenje-dobreje-wedomostneje-praksy\/"},"modified":"2025-08-05T14:38:50","modified_gmt":"2025-08-05T12:38:50","slug":"sledzerska-kultura-zawescenje-dobreje-wedomostneje-praksy","status":"publish","type":"page","link":"https:\/\/www.serbski-institut.de\/os\/sledzenje\/sledzerska-kultura-zawescenje-dobreje-wedomostneje-praksy\/","title":{"rendered":"Sl\u011bd\u017aerska kultura \u2013 zaw\u011bs\u0107enje dobreje w\u011bdomostneje praksy"},"content":{"rendered":"

Serbski institut (SI) ze swojimi w\u011bdomostnicami a w\u011bdomostnikami je so zawjaza\u0142, prawid\u0142a dobreje w\u011bdomostneje praksy dod\u017aer\u017ee\u0107. Z tym chce w\u011bdomostnu integernos\u0107 ka\u017e te\u017e ked\u017abliwy a fairny wobchad mjez sobu zaw\u011bs\u0107i\u0107 a wopa\u010dnemu w\u011bdomostnemu zad\u017aer\u017eenju zad\u017a\u011bwa\u0107.<\/p>\n

Serbski institut je so sm\u011brnicam DFG k zaw\u011bs\u0107enju dobreje w\u011bdomostneje praksy<\/a> p\u0159izamkny\u0142. Tr\u011bbne naprawy zwoprawd\u017ai p\u0159ez kooperaciju z Techniskej uniwersitu w Drje\u017ed\u017aanach (TUD) a po p\u0159ik\u0142ad\u017ae tamni\u0161ich \u201ewustawkow wo zaw\u011bs\u0107enju dobreje w\u011bdomostneje praksy, wo zad\u017a\u011bwanju wopa\u010dnemu w\u011bdomostnemu zad\u017aer\u017eenja a wo zad\u017aer\u017eenju p\u0159i p\u0159e\u0144d\u017aenjach\u201c (hlej deleka). Za to stej SI a TUD wotpow\u011bdne kooperaciske zr\u011b\u010denje wotzamkny\u0142oj.<\/p>\n

Z tym p\u0142a\u0107a prawid\u0142a runje mjenowanych wustawkow TUD te\u017e za w\u011bdomostny a w\u011bdomostno-techniski personal p\u0159i SI. Wo pra\u0161enjach w\u011bdomostneje integernos\u0107e ka\u017e te\u017e jako nar\u011b\u010denska wosoba za w\u0161\u011b pady mylneho zad\u017aer\u017eenja porad\u017aujetej ombudna wosoba resp. dow\u011brna wosoba za w\u011bdomostny dorost. Tutej wosobje dyrbitej po dow\u011brliwym porad\u017aowanju, je-li trjeba, dal\u0161e kroki zahaji\u0107.<\/p>\n

Ombudna wosoba w Serbskim institu\u0107e<\/h3>\n

Ombudna wosoba je nar\u011b\u010denski partner, m\u00f3\u017ee porad\u017aowa\u0107 a posr\u011bdkowa\u0107 we w\u0161\u011bch podhladnych padach wopa\u010dneho w\u011bdomostneho zad\u017aer\u017eenja . Z m\u00f3\u017enej wozjewjenku wobchad\u017aa so dow\u011brliwje. Tole \u0161kita wosobu, kotra\u017e pad p\u0159izjewja, a zdobom wosobu, p\u0159e\u0107iwo kotrej\u017e so podhlad m\u011bri. Wopodstatni so z wida ombudneje wosoby podhlad wopa\u010dneho w\u011bdomostneho zad\u017aer\u017eenja, sposr\u011bdkuje so tut\u00f3n p\u0159is\u0142u\u0161nej p\u0159epytowanskej komisiji p\u0159i Drje\u017ed\u017aanskej TU.<\/p>\n

dr. Jana Pi\u0148osov\u00e1<\/a><\/strong>
\njana.pinosova[a]serbski-institut.de<\/a>, tel. +49 3591 4972-0<\/p>\n

zastupnik:<\/p>\n

dr. Fabian Jacobs<\/strong><\/a>
\nfabian.jacobs[a]serbski-institut.de<\/a>, tel. +49 355 48576-482<\/p>\n

Wosoba dow\u011bry za w\u011bdomostny dorost<\/h3>\n

Wosoba dow\u011bry za w\u011bdomostny dorost je w pr\u011bnim rjed\u017ae nar\u011b\u010denska wosoba za promowowacych a m\u00f3\u017ee w situacijach, kotre\u017e za\u010duwaja so hladajo na dobru w\u011bdomostnu praksu jako problematiske, porad\u017aowa\u0107 a posr\u011bdkowa\u0107. Je-li trjeba, a hdy\u017e je radu pytaca wosoba p\u0159ih\u0142osowa\u0142a, sposr\u011bdkuje dow\u011brna wosoba konfliktny pad ombudnej wosobje. P\u0159i tym p\u0142a\u0107i prawo, so bjezposr\u011bdnje na ombudnu wosobu wobro\u0107i\u0107, dale.<\/p>\n

dr. Jenny Hagemanowa<\/strong><\/a>
\njenny.hagemann[a]serbski-institut.de<\/a>, tel. 0355 48 64 48 15<\/p>\n

zastupnica:<\/p>\n

dr. Anastasija Kostiu\u010denko-Kessler<\/strong><\/a>
\nanastasija.kostiucenko@serbski-institut.de<\/a>, tel. 0355 48 64 48 14<\/p>\n

Jako alternatiwa k ombudnej wosobje Serbskeho instituta m\u00f3\u017ee so k\u00f3\u017edy sam na nadregionalny gremij \u201eOmbudsgremium f\u00fcr wissenschaftliche Integrit\u00e4t in Deutschland<\/a>\u201c wobro\u0107i\u0107. Tut\u00f3n gremij je DFG zasad\u017ai\u0142o.<\/p>\n

Dal\u0161e informacije<\/h3>\n