Serbski institut ze syd\u0142om w Budy\u0161inje a wotno\u017ekomaj w Cho\u0107ebuzu p\u0159epytuje r\u011b\u010d, stawizny a kulturu Serbow w Hornjej a Delnjej \u0141u\u017eicy w za\u0161\u0142os\u0107i a p\u0159itomnos\u0107i.<\/p>\n
W\u00f3n zb\u011bra a archiw\u011bruje k tomu tr\u011bbne materialije, p\u0159ihotuje je za w\u011bdomostne sl\u011bd\u017aenje a sp\u0159istupnja je zdobom zjawnos\u0107i. Nimo toho su interdisciplinarne sl\u011bd\u017aenja instituta na aktualne po\u0142o\u017eenje, na wosebitos\u0107e a na p\u0159irunowanje ma\u0142ych r\u011b\u010dow a kulturow w Europje wusm\u011brjene.<\/p>\n
K Serbskemu institutej s\u0142u\u0161atej Serbska centralna biblioteka<\/a> a Serbski kulturny archiw<\/a> jako jeni\u010dkej zjawnej fachowej zb\u011brce za serbske a sorabistiske bibliotekowe a archiwne materialije.<\/p>\n Sl\u011bd\u017aenje je we t\u0159och wotrjadach za kulturne w\u011bdomos\u0107e<\/a>, r\u011b\u010despyt<\/a> a za regionalne wuwi\u0107e a \u0161kit mje\u0144\u0161in<\/a> organizowane. K\u00f3\u017edy wotrjad w\u011bnuje so swojemu specifiskemu polu z interdisciplinarneje perspektiwy. Serbski institut kooperuje z druhimi w\u011bdomostnymi zarjadni\u0161\u0107emi w tu- a wukraju. Jeho fachowcy spjelnjeja wu\u010dbne nadawki na uniwersitach a wysokich \u0161ulach. K\u00f3\u017ede druhe l\u011bto wuhotuje institut mjezynarodny l\u011btni pr\u00f3zdninski kurs za serbsku r\u011b\u010d a kulturu<\/a>.<\/p>\n Institut njep\u0159ino\u0161uje jeno\u017e k wuwi\u0107u w\u011bdomos\u0107e w teoriji a metod\u017ae, ale posylnja te\u017e \u2013 w zmysle wustawkow \u2013 \u010destnohamtske mocy w serbskich towarstwach runje tak ka\u017e w \u0161ulach, kulturnych institucijach a medijach skutkowacych Serbow a N\u011bmcow, kot\u0159i\u017e so wo zd\u017aer\u017eenje bikulturneje substancy pr\u00f3cuja.<\/p>\n Z dw\u00f3jnym wusm\u011brjenjom na sorabistisko-socialnow\u011bdomostne sl\u011bd\u017aenje a na praktisku podp\u011bru za serbsku r\u011b\u010d a kulturu w Hornjej a Delnjej \u0141u\u017eicy je drje zapo\u0142o\u017eenje instituta, ki\u017e je kruty wobstatk w\u011bdomos\u0107e w N\u011bmskej, j\u00f3nkr\u00f3tne. Z tym zwuraznja so na\u010dasny, na dialogu mjez w\u011bdomos\u0107u a towar\u0161nos\u0107u wotpo\u010dowacy koncept.<\/p>\n Serbski institut je so k 1. januarej 1992 wot Swobodneho stata Sakska zhromadnje z krajom Braniborska wutwori\u0142. Po swojej prawniskej formje je w\u00f3n zapisane towarstwo. Jeho tradicije jako zwonkauniwersitne sl\u011bd\u017aeni\u0161\u0107o z\u0142o\u017euja so na Institut za serbski ludospyt, kotry\u017e b\u011b so l\u011bta 1951 za\u0142o\u017ei\u0142 a wot 1952 do 1991 N\u011bmskej akademiji w\u011bdomos\u0107ow (wot 1972: Akademiji w\u011bdomos\u0107ow NDR) p\u0159is\u0142u\u0161a\u0142. Z nowoza\u0142o\u017eenjom Serbskeho instituta spo\u010datk 1992 nawjaza so na tradiciju, zdobom pak poski\u0107i so \u0161ansa za inowaciju. Fachowospecifiske a interdisciplinarne projekty p\u0159edchadnika, Instituta za serbski ludospyt \u2013 b\u011bchu to zd\u017a\u011bla p\u0159edewza\u0107a z do\u0142hodobnym akademijowym charakterom \u2013 m\u00f3\u017eachu so zwjet\u0161a dale wjes\u0107.<\/p>\n