{"id":8573,"date":"2022-05-30T21:07:18","date_gmt":"2022-05-30T19:07:18","guid":{"rendered":"https:\/\/www.serbski-institut.de\/publikacije\/online-publikacije\/datowa-banka-geografiskich-eksonymow\/dalse-informacije\/"},"modified":"2025-09-01T12:33:39","modified_gmt":"2025-09-01T10:33:39","slug":"dalse-informacije","status":"publish","type":"page","link":"https:\/\/www.serbski-institut.de\/os\/publikacije\/online-publikacije\/datowa-banka-geografiskich-eksonymow\/dalse-informacije\/","title":{"rendered":"Dal\u0161e informacije"},"content":{"rendered":"<p><a name=\"anker_1\"><\/a><\/p>\n<h2>Za koho je datowa banka myslena a kak je nasta\u0142a?<\/h2>\n<p>W pr\u011bnim rjed\u017ae je datowa banka, kotra\u017e wobsteji tuchwilu z nimale 1900 datowych sad\u017abow, pomocny sr\u011bdk za wu\u010dbnu praksu ka\u017e te\u017e za serbske medije. W\u011bzo je wona za k\u00f3\u017edeho dal\u0161eho zajimca p\u0159istupna a ma s\u0142u\u017ei\u0107 stabilizowanju spisownor\u011b\u010dneje normy.<br \/>\nIdeja za zestajenje datoweje banki je wu\u0161\u0142a z na\u0161eho porad\u017aowanskeho d\u017a\u011b\u0142a. Z R\u011b\u010dneho centruma WITAJ, hd\u017ae\u017e so p\u0159ihotuja serbskor\u011b\u010dne wu\u010dbnicy, su w poslednich l\u011btach d\u00f3\u0161li napra\u0161owanja dla prawopisa a morfologiskeho adaptowanja cuzych geografiskich mjenow. Wosebje problematiske su mjena zwonka Europy. P\u0159i njesystematiskej zab\u011brje z jednotliwymi s\u0142owami pak hod\u017aa so prawid\u0142a zeserb\u0161\u0107enja \u0107e\u017eko sp\u00f3zna\u0107. Nimo toho njeje uzus w serb\u0161\u0107inje stabilny resp. postupowanje p\u0159i zeserb\u0161\u0107enju je so zd\u017a\u011bla zm\u011bni\u0142o.<br \/>\nTohodla njeje tajki cy\u0142kowny p\u0159ehlad jeno\u017e jako w\u011bdomostne \u017e\u00f3r\u0142o zajimawy a wu\u017eitny, ale runje tak jako praktiska pomoc za wu\u010derki a wu\u010derjow, za \u017eurnalistow, p\u0159e\u0142o\u017eowarjow a dal\u0161ich zajimcow.<\/p>\n<p><a name=\"anker_2\"><\/a><\/p>\n<h2>Kak je datowa banka natwarjena?<\/h2>\n<p>Wu\u017eiwar m\u00f3\u017ee pyta\u0107 za serbskim abo n\u011bmskim wotpow\u011bdnikom mjena za w\u011bsty geografiski objekt. Druhdy eksistuja p\u0159i tym w serb\u0161\u0107inje warianty. Gramatiske informacije su podate, hdy\u017e so serbski wotpow\u011bdnik regularnje njedeklinuje abo hdy\u017e chcemy na gramatiske wosebitos\u0107e sked\u017abni\u0107. Za serbskim wotpow\u011bdnikom steji w spinkomaj typ objekta, na p\u0159ik\u0142ad stat, d\u017a\u011blny stat, p\u0159is\u0142u\u0161nik\/p\u0159is\u0142u\u0161nica ludu resp. wobydler, krajina, region, dolina, h\u0142owne m\u011bsto, horiny, morjo atd. resp. r\u011b\u010dny kriterij ka\u017e adjektiwiska wotwod\u017aenka. K hrubej orientaciji podawamy nimo toho kontinent, stat resp. region. Pola d\u017a\u011blnych statow je wotkaz na nadrjadowany stat, pola h\u0142owneho m\u011bsta wotkazuje so na stat atd.<\/p>\n<p><a name=\"anker_3\"><\/a><\/p>\n<h2>Kotre zasady su so p\u0159i zeserb\u0161\u0107enju na\u0142o\u017eowali?<\/h2>\n<p>T\u00f3j\u0161to mjenow krajow ma hi\u017eo tradicionelnu zeserb\u0161\u0107enu formu \u2013 to potrjechi wosebje europske kraje, na p\u0159ik\u0142ad \u010c\u011bska, Francoska, Jend\u017aelska, \u0160paniska.<br \/>\nHdy\u017e so mjeno s\u0142owotw\u00f3rbnje adaptuje, adaptuje so te\u017e prawopis, tohodla pisa so Mawretaniska (s\u0142owotw\u00f3rbnje zeserb\u0161\u0107ena forma ze sufiksom iska), porno tomu pak Mauritius, dokel\u017e so tu ni\u010do s\u0142owotw\u00f3rbnje njeadaptuje. Zasada zeserb\u0161\u0107enja njep\u0142a\u0107i za objekty w N\u011bmskej (Plauski j\u011bzor, Torgau) resp. jeno\u017e potom, hdy\u017e pisamy serbsce po tradiciji, na p\u0159. \u017ditawa.<br \/>\nW prawopisnym s\u0142owniku (Budy\u0161in 2005) su so zd\u017a\u011bla zeserb\u0161\u0107ene formy zawjedli a njezeserb\u0161\u0107ene formy wotstronili. W datowej bance pak namaka wu\u017eiwar druhdy wob\u011b formje, jeli stej wob\u011b prawje tworjenej a so w praksy jewitej.<br \/>\nPo dor\u011b\u010denju z wu\u010derjemi chilamy k tomu, zo m\u011bli p\u0159i zeserb\u0161\u0107enju na to d\u017aiwa\u0107, zo sp\u00f3znawa \u0161uler te\u017e w n\u011bm\u010dinje wu\u017eiwane mjeno geografiskeho objekta. Bohu\u017eel je serbske pismowstwo porno n\u011bmskemu snadne a geografiske eksonymy wustupuja jara zr\u011bdka, zwjet\u0161a jeno\u017e we wu\u010dbnicach geografije, chiba w nowinarstwje. Njes\u0142u\u017ei potajkim stabilizowanju spisownor\u011b\u010dneje normy, hdy\u017e zawjedu so zeserb\u0161\u0107ene formy, kotre\u017e hewak nihd\u017ae njewustupuja.<br \/>\nZd\u017a\u011bla su so dyrbjeli adaptowane formy korigowa\u0107 abo wotstroni\u0107, kotre\u017e smy sami hi\u0161\u0107e p\u0159ed n\u011bkotrymi l\u011btami tak podali, na p\u0159ik\u0142ad w s\u0142owniku noweje leksiki abo te\u017e we wu\u010dbnicach.<br \/>\nDok\u0142adni\u0161e informacije su so wozjewili w <a href=\"https:\/\/www.serbski-institut.de\/os\/dnlarchiv\/Sesu-2011_2-Pohonowa-Woelkowa_Eksonymy.859.pdf\" target=\"_blank\" rel=\"noopener\">Serbskej \u0161uli 2011\/2, s. 45\u201347.<\/a><\/p>\n<p><a name=\"anker_4\"><\/a><\/p>\n<h2>D\u017a\u011b\u0142a so dale na datowej bance?<\/h2>\n<p>W datowej bance eksonymow wozjewjene informacije so tuchwilu hromad\u017ae z dal\u0161imi mjenami a wosebje za \u0161ulski p\u0159edmjet geografije relewantnej terminologiju zatwarjeja do nastawaceho <a href=\"https:\/\/hornjoserbsce.de\/ndow\/\" target=\"_blank\" rel=\"noopener\">Noweho n\u011bmsko-hornjoserbskeho s\u0142ownika<\/a>.<\/p>\n","protected":false},"excerpt":{"rendered":"<p>Za koho je datowa banka myslena a kak je nasta\u0142a? W pr\u011bnim rjed\u017ae je datowa banka, kotra\u017e wobsteji tuchwilu z nimale 1900 datowych sad\u017abow, pomocny sr\u011bdk za wu\u010dbnu praksu ka\u017e te\u017e za serbske medije. W\u011bzo je wona za k\u00f3\u017edeho dal\u0161eho zajimca p\u0159istupna a ma s\u0142u\u017ei\u0107 stabilizowanju spisownor\u011b\u010dneje normy. Ideja za zestajenje datoweje banki je wu\u0161\u0142a [&hellip;]<\/p>\n","protected":false},"author":32,"featured_media":0,"parent":6637,"menu_order":0,"comment_status":"closed","ping_status":"closed","template":"","meta":{"_acf_changed":false,"footnotes":""},"class_list":["post-8573","page","type-page","status-publish","hentry"],"acf":[],"_links":{"self":[{"href":"https:\/\/www.serbski-institut.de\/os\/wp-json\/wp\/v2\/pages\/8573","targetHints":{"allow":["GET"]}}],"collection":[{"href":"https:\/\/www.serbski-institut.de\/os\/wp-json\/wp\/v2\/pages"}],"about":[{"href":"https:\/\/www.serbski-institut.de\/os\/wp-json\/wp\/v2\/types\/page"}],"author":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/users\/32"}],"replies":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/comments?post=8573"}],"version-history":[{"count":3,"href":"https:\/\/www.serbski-institut.de\/os\/wp-json\/wp\/v2\/pages\/8573\/revisions"}],"predecessor-version":[{"id":249284,"href":"https:\/\/www.serbski-institut.de\/os\/wp-json\/wp\/v2\/pages\/8573\/revisions\/249284"}],"up":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/pages\/6637"}],"wp:attachment":[{"href":"https:\/\/www.serbski-institut.de\/os\/wp-json\/wp\/v2\/media?parent=8573"}],"curies":[{"name":"wp","href":"https:\/\/api.w.org\/{rel}","templated":true}]}}