{"id":12865,"date":"2023-10-20T13:52:38","date_gmt":"2023-10-20T11:52:38","guid":{"rendered":"https:\/\/www.serbski-institut.de\/konferenca-sebjepredstajenje-kultura-a-pomjatk-mjensin-we-wustajencach\/"},"modified":"2023-10-20T13:54:48","modified_gmt":"2023-10-20T11:54:48","slug":"konferenca-sebjepredstajenje-kultura-a-pomjatk-mjensin-we-wustajencach","status":"publish","type":"post","link":"https:\/\/www.serbski-institut.de\/os\/konferenca-sebjepredstajenje-kultura-a-pomjatk-mjensin-we-wustajencach\/","title":{"rendered":"Konferenca &#8220;(Sebje)p\u0159edstajenje. Kultura a pomjatk mje\u0144\u0161in we wustaje\u0144cach&#8221;"},"content":{"rendered":"<p>Budy\u0161in, S\u00f8nderborg, Cho\u0107ebuz, Opole \u2013 w tutych a mnohich dal\u0161ich europskich m\u011bstach eksistuja archiwy, kulturne zarjadni\u0161\u0107a abo muzeje, kotre\u017e su narodnym a etniskim mje\u0144\u0161inam w\u011bnowane. Hi\u0161\u0107e ha\u010d do jut\u0159i\u0161eho (19.\u201321. oktobra) rozestajeja so w\u011bdomostnicy a muzejownicy w Opolu z tym, kak \u0141emkojo, Serbja, Frizojo abo Karpatscy N\u011bmcy swoje stawizny ka\u017e te\u017e swoje kulturne a r\u011b\u010dne herbstwo we wustaje\u0144cach prezentuja.<\/p>\n<p>Je to zhromadna konferenca sl\u011bd\u017aenskeho centruma n\u011bmskeje mje\u0144\u0161iny w P\u00f3lskej, Zjawneje biblioteki w\u00f3jwodstwowa w Opolu \/ Dokumentaciskeho a wustajenskeho centruma N\u011bmcow w P\u00f3lskej, Serbskeho instituta a Serbskeho muzeja. Mjezynarodne schad\u017aowanje steji pod hes\u0142om &#8220;(Sebje)p\u0159edstajenje. Kultura a pomjatk mje\u0144\u0161in we wustaje\u0144cach&#8221; (= <em>(Selbst)darstellungen. Kultur und Ged\u00e4chtnis von Minderheiten in Ausstellungsprojekten<\/em> resp. <em>(Auto)prezentacje. Kultura i pami\u0119\u0107 mniejszo\u015bci w projektach wystawienniczych<\/em>).<\/p>\n<p>Konferenca wobsteji z t\u0159och tematiskich \u0107e\u017ei\u0161\u0107ow: W\u010dera (19.10.) bli\u017eachu so p\u0159edno\u0161ki a podijowa diskusija temje &#8220;(Sebje)p\u0159edstajenje a (sebje)reflektowanje&#8221;, moder\u011browane wot prof. dr. habil. Jaros\u0142awa Syrnyka a Steffena Krestina (nawodu Serbskeho muzeja w Cho\u0107ebuzu). Dr. <a href=\"https:\/\/www.serbski-institut.de\/mitarbeiter\/dr-robert-lorenz\/\">Robert Lorenc<\/a> (Serbski institut) reflektowa\u0161e wustaje\u0144cu &#8220;Was hei\u00dft hier Minderheit?&#8221; a Christina Boguszowa (Serbski muzej Budy\u0161in) p\u0159edno\u0161owa\u0161e wo Serbskim muzeju w Budy\u0161inje jako m\u00f3st mjez kulturami a generacijemi (podtitul: Refleksije k wusm\u011brjenju muzeja na p\u0159ik\u0142ad\u017ae wuzwolenych wustajenskich a kooperaciskich projektow). D\u017aensa (20.10.) zab\u011braja so wobd\u017a\u011blnicy z identitu a jeje \u0161kitom, moderaciju ma dr. habil. Adriana Dawid (Opolska uniwersita). Mjez druhim p\u0159edno\u0161uje Steffen Krestin wo Serbskim muzeju w Cho\u0107ebuzu. Jut\u0159e (21.10.) w\u011bnuje so konferenca temje &#8220;Stawizny, p\u0159itomnos\u0107 a p\u0159ichod&#8221;, moderaciju p\u0159ewozmje dr. <a href=\"https:\/\/www.serbski-institut.de\/mitarbeiter\/dr-robert-lorenz\/\">Robert Lorenc<\/a>.<\/p>\n<p>Konferenca chce w\u011bdomostnu a zjawnu diskusiju wo mje\u0144\u0161inach poh\u0142ub\u0161i\u0107 a m\u011bri so na fachowcow runje tak ka\u017e na w\u0161\u011bch zajimowanych.<\/p>\n<p><em>Projekt sp\u011bchuje so ze sr\u011bdkow N\u011bmsko-p\u00f3lskeje w\u011bdomostneje za\u0142o\u017eby. Projekt so wot Instituta za wukrajne po\u0107ahi (ifa) z etata Wonkowneho zarjada Zwjazkoweje republiki N\u011bmskeje p\u0159ez zwjazk n\u011bmskich socialno-kulturnych towar\u0161nos\u0107ow w P\u00f3lskej sobu financuje. Patronat nad schad\u017aowanjom p\u0159ewzaja: wulkop\u00f3s\u0142anstwo Zwjazkoweje republiki N\u011bmskeje we War\u0161awje, mar\u0161al wojew\u00f3dstwa Opola Andrzej Bu\u0142a, Federalistiska unija europskich narodnos\u0107ow\u00a0(FUEN) ka\u017e te\u017e D\u017a\u011b\u0142owe zjedno\u0107enstwo n\u011bmskich mje\u0144\u0161in (AGDM).<\/em><\/p>\n<ul>\n<li><a href=\"https:\/\/www.serbski-institut.de\/selbstdarstellungen-kultur-und-gedaechtnis-von-minderheiten-in-ausstellungsprojekten\/\">cy\u0142y program a dal\u0161e informacije<\/a><\/li>\n<\/ul>\n<p><em>(Jedna so wo wobd\u017a\u011b\u0142anu zd\u017a\u011blenku sl\u011bd\u017aenskeho centruma n\u011bmskeje mje\u0144\u0161iny w P\u00f3lskej k zazb\u011bhej konferency wot 18.10.2023.)<\/em><\/p>\n","protected":false},"excerpt":{"rendered":"<p>Budy\u0161in, S\u00f8nderborg, Cho\u0107ebuz, Opole \u2013 w tutych a mnohich dal\u0161ich europskich m\u011bstach eksistuja archiwy, kulturne zarjadni\u0161\u0107a abo muzeje, kotre\u017e su narodnym a etniskim mje\u0144\u0161inam w\u011bnowane. Hi\u0161\u0107e ha\u010d do jut\u0159i\u0161eho (19.\u201321. oktobra) rozestajeja so w\u011bdomostnicy a muzejownicy w Opolu z tym, kak \u0141emkojo, Serbja, Frizojo abo Karpatscy N\u011bmcy swoje stawizny ka\u017e te\u017e swoje kulturne a r\u011b\u010dne [&hellip;]<\/p>\n","protected":false},"author":5,"featured_media":12863,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[14],"tags":[],"class_list":["post-12865","post","type-post","status-publish","format-standard","has-post-thumbnail","hentry","category-newsmeldung-os"],"acf":[],"_links":{"self":[{"href":"https:\/\/www.serbski-institut.de\/os\/wp-json\/wp\/v2\/posts\/12865","targetHints":{"allow":["GET"]}}],"collection":[{"href":"https:\/\/www.serbski-institut.de\/os\/wp-json\/wp\/v2\/posts"}],"about":[{"href":"https:\/\/www.serbski-institut.de\/os\/wp-json\/wp\/v2\/types\/post"}],"author":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/users\/5"}],"replies":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/comments?post=12865"}],"version-history":[{"count":1,"href":"https:\/\/www.serbski-institut.de\/os\/wp-json\/wp\/v2\/posts\/12865\/revisions"}],"predecessor-version":[{"id":12870,"href":"https:\/\/www.serbski-institut.de\/os\/wp-json\/wp\/v2\/posts\/12865\/revisions\/12870"}],"wp:featuredmedia":[{"embeddable":true,"href":"https:\/\/www.serbski-institut.de\/os\/wp-json\/wp\/v2\/media\/12863"}],"wp:attachment":[{"href":"https:\/\/www.serbski-institut.de\/os\/wp-json\/wp\/v2\/media?parent=12865"}],"wp:term":[{"taxonomy":"category","embeddable":true,"href":"https:\/\/www.serbski-institut.de\/os\/wp-json\/wp\/v2\/categories?post=12865"},{"taxonomy":"post_tag","embeddable":true,"href":"https:\/\/www.serbski-institut.de\/os\/wp-json\/wp\/v2\/tags?post=12865"}],"curies":[{"name":"wp","href":"https:\/\/api.w.org\/{rel}","templated":true}]}}