Sorbische Geigen
Serbske huslePetr Ch. Kalinawud. Serbski institut
139 str. 63 wobrazow. A5-brošurka
lěto wudaća: 2024
DOI: https://doi.org/10.59195/2025.12
ISBN: 978-3-948166-93-9
Płaćizna: 12,00 €
ISBN Digital: 978-3-948166-92-2
Wobsah
Wulke a małe serbske husle su nimo tarakawy a dudow najcharakteristiske instrumenty serbskeje ludoweje hudźby. W předležacej studiji so k prěnjemu razej wobšěrnje organologisce přepytuja a do konteksta europskich ludowych instrumentow zarjaduja. Wšitke hišće eksistowace originalne instrumenty kaž tež pozdźiše kopije so w knize dokumentuja. Z tym zeznaje čitar tež twarcow, hudźbnikow a zběraćelow serbskich huslow a zeznajomi so tak z hač dotal mało přeslědźenym dźělom serbskich hudźbnych stawiznow.
Awtor
Petr Kalina je wědomostny sobudźěłaćer na instituće za hudźbnu wědomosć a na instituće za slawistiku Masarykoweje uniwersity a Brnje. Wón slědźi wosebje k hudźbnej kulturje słowjanskich ludow a zaběra so z prašenjemi organologije a hudźbneje etnografije. Nimo toho přełoži načasnu ukrainsku literaturu do čěšćiny.
Nakład: 200 eksemplarow
Wuznamjenjenje
Za swoju monografiju „Sorbische Geigen – Serbske husle“ bu awtor Petr Kalina 18.11.2025 w Brnje z najwyšim mytom filozofiskeje fakulty Masarykoweje uniwersity za wusahowacy tworićelski wukon počesćeny. Myto spožči jemu dekan fakulty we wobłuku swjatočnosćow tydźenja duchownych wědomosćow. Dale čitać:
- Nejvyšší fakultní ocenění získal výzkum lidových nástrojů Lužických Srbů, nowinka na uniwersitnej homepage wot 18.11.2025 (prošu skrolujće dele k lawreatej, čěski přinošk)
-
Petr Kalina za knihu wo serbskich huslach počesćeny, w: Serbske Nowiny, 26.11.2025, str. 1 (awtor: Lukaš Novosad), URL (wurězk swobodnje přistupny)
Knižna premjera
Knižna premjera z awtorom dr. Petrom Ch. Kalinu z Brna je so wotměła 10. měrca 2024 w Serbskim ludowym ansamblu w Budyšinje – we wobłuku zakónčaceje prezentacije ansambla “LAB F – Laboratorij serbskeje tradicionalneje hudźby. Kralowy huslerski spěwnik jako žórło inspiracije”.
Recensije
Lubomír Tyllner: Petr Ch. Kalina: Sorbische Geigen. Serbske husle; wozjewjene w časopisu: om. hudební revue [opus musicum] 3/2025, str. 90-93, Brno (ČR); online pod: https://opusmusicum.cz/petr-ch-kalina-sorbische-geigen-serbske-husle/, wozjewjene dnja 9.10.2025 (naposled wotwołane 3.11.25).