Lětopis – Časopis za sorabistiku a přirunowace mjeńšinowe slědźenje
www.lětopis.de
Jako interdisciplinarny periodikum sorabistiskich a duchownowědnych slědźenjow wudawa Serbski institut w lěće 1952 załoženy časopis “Lětopis“, kotryž wuchadźa wot 2023 online a z podtitulom “Časopis za sorabistiku a přirunowace mjeńšinowe slědźenje”. Akceptowane artikle wuchadźeja online jako wosebite wozjewjenja (ze swójskej DOI), po tym tež w ćišćanej formje jako lětny zběrnik.
Archiw
W dobje wot 1992 do 2022 wuchadźeše Lětopis z podtitulom Časopis za rěč, stawizny a kulturu Łužiskich Serbow. Archiw Lětopisa je tuchwilu w natwarje. K dispoziciji steja hižo zešiwki, kotrež buchu mjez 2008 a 2022 wozjewjene. Wudaća, kotrež buchu mjez 1992 a 2007 wozjewjene, so tam poněčim wudospołnjeja. W naslědnej lisćinje namakaće nachwilnje bibliografiske podaća, zapiski wobsaha a zdźěla tež zapisy awtorow tutych publikacijow. Starše přinoški (z časa do lěta 1990) su w čitarni Serbskeje centralneje biblioteki digitalnje přistupne.