Sorbische Geigen

Serbske husle
Petr Ch. Kalina
Wud. Serbski institut

139 str. 63 wobrazow. A5-brošurka

ISBN: 978-3-948166-93-9 (print), 978-3-948166-92-2 (online)
Płaćizna: 12,00 €
lěto wudaća: 2024

Wobsah

Wulke a małe serbske husle su nimo tarakawy a dudow najcharakteristiske instrumenty serbskeje ludoweje hudźby. W předležacej studiji so k prěnjemu razej wobšěrnje organologisce přepytuja a do konteksta europskich ludowych instrumentow zarjaduja. Wšitke hišće eksistowace originalne instrumenty kaž tež pozdźiše kopije so w knize dokumentuja. Z tym zeznaje čitar tež twarcow, hudźbnikow a zběraćelow serbskich huslow a zeznajomi so tak z hač dotal mało přeslědźenym dźělom serbskich hudźbnych stawiznow.

Awtor

Petr Kalina je wědomostny sobudźěłaćer na instituće za hudźbnu wědomosć a na instituće za slawistiku Masarykoweje uniwersity a Brnje. Wón slědźi wosebje k hudźbnej kulturje słowjanskich ludow a zaběra so z prašenjemi organologije a hudźbneje etnografije. Nimo toho přełoži načasnu ukrainsku literaturu do čěšćiny.

Nakład: 200 eksemplarow

Knižna premjera

Knižna premjera z awtorom dr. Petrom Ch. Kalinu z Brna wotměje so njedźelu, 10. měrca 2024, 16:00 hodź., w Serbskim ludowym ansamblu, na Wonkownej Lawskej 2, 02625 Budyšin, we wobłuku zakónčaceje prezentacije SLA “LAB F – Laboratorij serbskeje tradicionalneje hudźby. Kralowy huslerski spěwnik jako žórło inspiracije”.

Zešiwk jako pdf-dataja