„Serbowka“ – lětny spis (1892–1925) Towarstwa serbskich studentow teologije / serbskich studowacych w Praze

Do lětnych zwjazkow zwjazane zapiski Towarstwa serbskich studentow teologije / serbskich studowacych „Serbowka“ w Praze (1892-1925).
Lětny zwjazk „Serbowka“ wobsahuje 1) dźenik, 2) „Kwětki“ – zběrka literarnych, stawiznowědnych, rěčespytnych a ludowědnych přinoškow čłonow, 3) korespondenca (dochadźace listy a naćiski/wotpisy wotpósłanych listow).
Zwjazki 1 do 46 (z lět 1846/47 do 1891/92) wobchowaja so w „Hórnikowej knihowni“ w Praze – Biblioteka Towarstwa přećelow Serbow Společnost přátel Lužice (SPL). Katalog „Hórnikoweje knihownje“ Kopije Praskich zwjazkow móža so w čitarni Serbskeho instituta wužiwać. Zwjazki 1914/15, 1915/16 a 1919/20 chowaju so w diecezanskej bibliotece Drježdźansko-Mišnjanskeho biskopstwa w Budyšinje.

Digitalizaty Praskich zwjazkow poskića webstrony Narodneje biblioteki Čěskeje republiki (Národní­ knihovna České republiky) https://kramerius5.nkp.cz/ abo portal Manuscriptorium https://www.manuscriptorium.com/cs. Zwjazki Serbskeho kulturneho archiwa kaž tež diecezanskeje biblioteki Drježdźansko-Mišnjanskeho biskopstwa so w portalu Sachsen.digital prezentuja.