14.06. Dołha nóc kultury w Budyšinje
termin: 14.06.2025 17:00 - 23:00 hodź.
Městno zarjadowanja: Smolerjec kniharnja, Sukelnska 27, 02625 Budyšin
Na lětušej Dołhej nocy kultury w Budyšinje wobdźěli so Serbski institut zhromadnje ze Smolerjec kniharnju. Serbski institut prezentuje swoju pućowacu wustajeńcu “Swoboda kiwa! Serbja a mjeńšinowe prašenje po 1918“.
Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Předpředań za Budysku Nóc kultury je zahajena. Zajimcy móža sej lisćiki na slědowacych městnach kupić:
- Muzej Budyšin, Žitne wiki 1
- Kretschmarec kniharnja, Kamjentna dróha 11
- Löbnerec hudźbny dom, Kotołowa dróha 16
- Měšćanska biblioteka, Hrodowa dróha 11/12
- Witaj do Budyšina z.t., Šulerska dróha 6
- Turistiska informacija, Hłowne torhošćo 1
Lisćiki:
- 6 eurow
- dźěći hač do 10 lět: bjez zastupa
- wot 22 hodź.: 3 eura
Lisćik płaći za wšitke 16 wobdźělene městna kultury w Budyšinje. Na dnju zarjadowanja, 14. junija předawaja wšitke wobdźělene zarjadnišća wot 17:00 hodź. zastupne lisćiki.
Dołhu nóc kultury organizuje spěchowanske towarstwo Muzeja Budyšin Pro Museo z.t. zhromadnje ze wšitkimi wobdźělnikami.
“Swoboda kiwa!” je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.