Mały Wjelkow. Serbski Ochranow

Ze srjedź 18. lětstotka wuwiwaše so Mały Wjelkow k serbskemu sydlišću bratrowskeje jednoty. Z cyłeje Hornjeje a Delnjeje Łužicy putnikowachu serbscy wěriwi sem, zo bychu so na tamnišim nabožnym žiwjenju wobdźělili. mnozy z nich so w Małym Wjelkowje zasydlichu. Bórze nasta tuž na kromje města Budyšina swojorazne pobožne sydlišćo ze šulomaj, bratrownju a sotrownju.

W přednošku rysuje so wuwiće Małeho Wjelkowa a jeho wuznam za serbske kulturne stawizny, wšako njebě Mały Wjelkow jeno wažne nabožne srjedźišćo ewangelskich Serbow, ale w 18. lětstotku tež centrum serbskeho pismowstwa.

Po dorěčenju je město přednoška tež wodźenje po Małym Wjelkowje a/abo sotrowni móžne.

• Format
  přednošk abo wodźenje na městnje
• Vortragende
  Lubina Malinkowa
• doba zarjadowanja
  něhdźe 90 mjeńšin z prašenjemi a diskusiju
• rěč
  Deutsch, Obersorbisch, zweisprachig
• techniske wuměnjenja
  za přednošk: beamer
• Na koho so zarjadowanje měri?
  towarstwa a skupiny, wosady, šulerjo