Mjez globalnym wusměrjenjom a lokalnym skutkowanjom. Misionske hibanje w Serbach

W serbskim stawiznopisu so 19. lětstotk najhusćišo z hesłom „narodne hibanje“ charakterizuje. Zo pak je tež misionske hibanje tutu wažnu dobu bytostnje sobu wobwliwowało, je so hač dotal lědma wobkedźbowało. Při tym je misionske hibanje z mnoho inowacijemi k wuwiću serbskeje towaršnosće w 19. lětstotku přinošowało. Tak běchu prěnje towarstwa w Serbach misionske towarstwa, misionske časopisy słušachu k najwoblubowanišim serbskim medijam swojeho časa a misionske swjedźenje wuwichu so k bohaće wopytanym wjerškam serbskeho žiwjenja.

W přednošku so najwažniši akterojo misionskeho hibanja a jich aktiwity předstajeja. Při tym pokaza so zdźěla napjaty poćah mjez globalnje wusměrjenym misionskim hibanjom a na Łužicu wusměrjenym narodnym hibanjom. Komu poradźi so wjace ludźi docpěć a wjace pjenježnych darow za swoje zaměry zběrać?

tekst: Lubina Malinkowa

• Format
  přednošk
• Vortragende
  Lubina Malinkowa
• doba zarjadowanja
  něhdźe 90 mjeńšin z prašenjemi a diskusiju
• rěč
  Deutsch, Obersorbisch, zweisprachig
• techniske wuměnjenja
  beamer abo digitalna tafla
• Na koho so zarjadowanje měri?
  towarstwa a skupiny, wosady, šulerjo