Přizjewjenje za lětni kurs

Hač do 1. meje móža so zajimcy za Mjezynarodny lětni kurs za serbsku rěč a kulturu Serbskeho instituta přizjewić.

Mjezynarodny lětni kurs za serbsku rěč a kulturu, wotměje so lětsa wot 24. julija do 8. awgusta. Měri so na slawistow, studowacych slawistiki z tu- a wukraja a na wšěch na serbšćinje zajimowanych.

Kóžde druhe lěto wuhotuje Serbski institut intensiwny kurs. Kurs wotměje so po zwučenym wašnju w Serbskim gymnaziju w Budyšinje. Nóclěh změja wobdźělnicy a wobdźělniki zaso w internaće gymnazija. Zajimcy móža so přez online-formular na homepage Serbskeho instituta (wotkaz dale deleka) přizjewić. Doba za přizjewjenje kónči 1. meje.

• online-formular za přizjewjenje kaž tež dalše informacije nastupajo program, nóclěh a kóšty, hlej www.serbski-institut.de/os/letni-kurs-2026/