17. apryla: Přednošk we wobłuku pućowaceje wustajeńcy “Swoboda kiwa! Serbja a mjeńšinowe prašenje po 1918”
termin: 17.04.2026
Městno zarjadowanja: Sorbische Kulturinformation, Postplatz 2, 02625 Bautzen
We wobłuku pućowaceje wustajeńcy přednošuje stawiznarka Serbskeho instituta, dr. Jana Piňosová wo temje wustajeńcy. Zajimcy móža sej wustajeńcu wot 16.3.-12.6.2026 w Serbskej kulturnej informacije wobhladać.
Wo wustajeńcy
„Swoboda kiwa“, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.