Lětopis 2025 nětko tež jako ćišćane wudaće w poskitku

Aktualne wudaće wědomostneho časopisa Serbskeho instituta wopřija zaso rjad přinoškow wo aktualnych slědźenjach na polu mjeńšinowych wědomosćow, sorabistiskeho rěčespyta a kulturnych stawiznow, kotrež su so w běhu lěta 2025 digitalnje na webstronje www.lětopis.de wozjewili. Artikle Lětopisa – Časopisa za sorabistiku a přirunowace mjeńšinowe slědźenje wuchadźeja z lěta 2023 sem najprjedy online jako jednotliwe wozjewjenja (ze swójskej DOI), po tym tež w ćišćanej formje jako lětny zběrnik.

Wuběr přinoškow aktualneho wudaća:

• Lutz Laschewski, Sophie Rädel: K ewaluaciji rěčneje rewitalizacije. Pad Zorja – pospyt analyzy a posudźowanja prěnjeho imersiwneho rěčneho wuknjenskeho programa za dorosćenych we wobłuku delnjoserbšćiny
• Robert Lorenc: Městno – hranica – syć. K někotrym implikacijam digitalizacije w serbskim muzealnym polu. Přikłady a rozwažowanja wo šansach a strachach digitalizacije serbskeho wěcnokulturneho herbstwa
• Jean-Rémi Carbonneau: Regionalne hospodarstwo a spěchowanje bretonskeje identity a rěče. Studija wo wužiwanju bretoniskeje rěče we wobłuku hospodarstwa jako přinošk ke kulturnemu a rěčnemu wuwiću narodneje mjeńšiny

wudawaćel: Serbski institut z. t.
wušło: w Ludowym nakładnistwje Domowina
brošura, 207 s., 20,00 €
ISSN 0943-2787
Rěče artiklow: němsce, pólsce, jendźelsce
bibliografiske podaća: zešiwk 72/2025

• lětny zběrnik 2025 online (open access) – kóždy přinošk ze swójskej DOI