Projekt DFG „Wobstatkowe knihi a archiwaliske žórła: digitalizacija a nadrobne wopisowanje zawostajenstwa Bogumiła Šwjele“
Bogumił Šwjela / Gotthold Schwela (1873 – 1948)
Bogumił Šwjela bě přez swój žiwjenjoběh a skutk signifikantny zastupjer serbskeho byrgarstwa 20. lětstotka. Šwjela narodźi so 1873 jako syn wjesneho wučerja a „casnikarja“ Kita Šwjele (1836 – 1922), studowaše teologiju a slawistiku w Berlinje a sta so z fararjom w serbskej Delnjej Łužicy. Nimo swojeho powołanja skutkowaše jako rěčespytnik, publicist, spisowaćel a přełožowar kaž tež jako kulturny politikar. Wón zemrě w meji 1948.
Žadyn přirunajomny wobstatk w SKA ze žiwjenskeho časa Šwjele (kejžorstwo, Weimarska republika, NS-režim) skići tajku hustu dokumentaciju delnjoserbskeje rěče, wšědneje kultury a prócowanjow wo zdźerženje a dalewuwiće Serbstwa. Zawostajenstwo wobsahuje zběrki dokumentow k statnej a cyrkwinskej politice napřećo Serbam, k organizaciji serbskeho kulturneho žiwjenja, rěčnohistoriske zběrki k ležownostnym, swójbnym a městnostnym mjenam, k gramatice kaž tež zběrku za delnjoserbski słownik. Přewšo mnohostronska je jeho korespondenca, w kotrejž so wobsahowe ćežišća zawostajenstwa na runinje akterow zaso namakaja.
Wot 1. oktobra 2020 bu zawostajenstwo Bogumiła Šwjele (kaž tež zawostajenstwo jeho nana Kita Šwjele) digitalizowane a nadrobnje wopisane. Projekt bu na 18 měsacow wot Němskeho slědźerskeho zjednoćenstwa DFG z 111.000 eurami financowany přez spěchowanski program „Digitalizacija a wotkryće“ (Wědomostne literarne zastaranske a informaciske systemy). Projekt bě so kónc měrca 2022 zakónčił.
Zaměr projekta bě spřistupnjenje informacijow a wobrazow tutych žórłow w katalogu awtografow a zawostajenstwow Kalliope kaž tež w portalu Serbskeho instituta SORABICON.
GEPRIS – wot DFG Spěchowane projekty
Wobstatkowa kniha w katalogu Kalliope
- wobsahowy zapis zawostajenstwa Gotthold Schwela / Bogumił Šwjela
- wobsahowy zapis zawostajenstwa Christian Schwela / Kito Šwjela
Wobstatkowa kniha w portalu SORABICON
Projektowaj sobudźěłaćerjej 10/2020 – 3/2022
Dr. Peter Jahn-Bresan – wobsahowe wopisowanje a zapisowanje datow
Jan Kral – digitalizacija wobrazow dokumentow a techniske dźěła