(Nje-)přichod Serbow a Łužicy w zašłosći a přitomnosći

Zda so, zo njeje w Serbach lědma wažnišeho prašenja hač te za přichodom. Spekulacije wo pozdatnje bórzomnym „wotemrěću“ małeho ludu we Łužicy, ale tež optimistiske prognozy wo wožiwjenju serbskeje kultury a rěčnych rumow postajeja hižo lětstotki diskursy wo Serbach. Z prašenja za přichodakmanosći serbšćiny zrodźichu so w zašłosći jara wšelakore, husto mjez sobu so napřećiwjace wotmołwy – ze stron Serbow a Njeserbow, z nutřkowneje a wonkowneje perspektiwy, w politiskich diskursach, w hospodarskich prognozach, w literaturje a we wuměłstwje, w rěčno- a kulturnopolitiskich debatach a w mnohich dalšich kontekstach.
Tež w přitomnosći swědča w zjawnosći skutkowne kampanje, diskusije, filmy abo dźiwadłowe hry wo trajacej aktualnosći wulkich prašenjow: Kak dołho Serbja hišće eksistuja? Kelko jich hišće je? A kak ma dale hić?
Za lěto 2026 planuje so wudaće wosebiteho zešiwka časopisa „Lětopis – Časopis za sorabistiku a přirunowace mjeńšinowe slědźenje