Ediciski projekt: Historia populi et rituum Lusatiae Superioris

Abraham Frencel (1656–1740) płaćeše hižo za čas swojeho žiwjenja jako wusahowaca wosobina wědomosće we Łužicy. Wón bě filologa, rěčespytnik a stawiznar kaž tež kedźbliwy wobkedźbowar regionalnych kulturow wšědneho dnja – jako tajkeho móžemy jeho zdobom jako jednoho z najbóle mnohostronskich a najproduktiwnišich wótcow zažneje sorabistiki wobhladować.
K jeho najwažnišim spisam liči wobšěrna „Historia populi et rituum Lusatiae Superioris“ (wokoło 1700) – wopisanje Hornjeje Łužicy jako transkulturelny migraciski region w Europje. Byrnjež manuskript wostał, je so tola we wjacorych wotpiskach wobchował. Zaměr projekta je zdźěłanje hybridneje edicije z digitalnym połnym tekstom a ćišćanym (prawdźepodobnje skrótšenym) čitanskim wudaćom.