Certifikowanje serbskorěčneje kompetency (BZ)

Za zaměry rěčneho planowanja wobsteji hižo někotre lěta žadanje za certifikowanjom serbskorěčnych kmanosćow, zo by so akceptanca hornjo- a delnjoserbšćiny powyšiła, zo by so motiwacija k nawuknjenju jedneje z tuteju rěčow spěchowała a zo bychu so kriterije za postajenje kwalitnych standardow wudźěłać móhli. Zakład za certifikaciju serbskorěčnych kmanosćow twori Zhromadny europski referenčny ramik (GER). Formulowanje a zawjedźenje stopnjow kompetency a jednotnych standardow za rěčne pruwowanja za serbsce wuknjacych je nadawk Rěčneho centruma WITAJ. Serbski institut w Budyšinje a Institut za sorabistiku na Lipšćanskej uniwersiće přewozmjetej jako wědomostnej kooperaciskej partneraj fachowe poradźowanje a posudźowanje.


Na projekće wobdźěleni: Jana Šołćina