Sociolinguistiske faktory a jich wliw na rěčne biografije dwu- a wjacerěčnych wobydlerjow Hornjeje a Delnjeje Łužicy

Fokus slědźerskeho ćežišća měri so na bohaće diferencowane žiwjenske wašnja wobydlerjow/wobydlerkow Hornjeje a Delnjeje Łužicy na spočatku 21. lětstotka, kotrež wopřijimuja tež rěčnu wšelakorosć w regionje. Tohodla ma so w projekće temowy kompleks “rěč” resp. “rěče” w zwisku ze sozialnymi, psychologiskimi, linguistiskimi a mentalnymi faktorami přepytować. Z tym njewobmjezuje so přepytowanje na tradicionelne sociolinguistiske prašenja typa “Štó hdy z kim w kajku rěč wužiwa?”. Na přikładźe rěčnych biografijow dwu- a wjacerěčnych wobydlerjow/wobydlerkow wobeju Łužicow, kotřiž/kotrež přisłušeja rozdźělnym generacijam, analyzuje a wopisuje so, kajke faktory maja wliw na wužiwanje rěčow, nastajenja k rěčam, identitu kaž tež na wutworjenje rěčnych kompetencow. Nimo toho ma so přeslědźić, kak daloko wužiwa so potecial dwu- a wjacerěčnych poskitkow w regionje a kajki zwisk wobsteji mjez stopnjom rěčneje kompetency a a recepciju serbskich a dalšich bi- a wjacekulturnych poskitkow.


Na projekće wobdźěleni: Jana Šołćina