SERBSKA CENTRALNA BIBLIOTEKA

Załožena 1949. Hłowny nadawk: Zběrać wšu literaturu w serbskej rěči, wo Serbach a wo Hornjej a Delnjej Łužicy. Serbska centralna biblioteka je zdobom wědomostna fachowa knihownja Serbskeho instituta a wobsedźi přez wuměnu z wukrajnymi bibliotekami nahladny wobstatk slawistiskich a słowjanskich knihow a časopisow.
Zakładny wobstatk biblioteki twori zbytk knihownje Maćicy Serbskeje. Tutón wobstatk historiskich knihow je so wudospołnjał přez nakup resp. darjenje priwatnych knihownjow Oty Wićaza, Pawoła Neda, Měrćina Nowaka-Njechorńskeho a Jana Meškanka. Z časa załoženja w lěće 1958 podpěra Ludowe nakładnistwo Domowina winowatostnymi eksemplarami prawidłownje Serbsku centralnu biblioteku.
Cyłkowny wobjim biblioteki: 110 000 medijowych jednotkow. Z toho 27000 časopisowych zwjazkow; knižne wudaća: 13000 w serbskimaj, 25000 w słowjanskich rěčach.

» Wužiwanski porjad
» Popłatkowy porjad

Hladajo na tučasne škitne naprawy dla koronapandemije wostanje biblioteka najprjedy hač do 28. 3. 2021 zawrjena.
Docpějeće nas telefonisce (0 3591 4972-0) abo per mail: biblioteka-archiw@serbski-institut.de

Bjezkontaktne wupožčenje

1. Wuzwolće sej publikaciju přez online-katalog http://libero.szb-katalog.de/libero/WebOpac.cls .
2. Wašu skazanku přiwzamy telefonisce (0 3591 4972-0) abo přez mailku (biblioteka-archiw@serbski-institut.de).
3. Za to trjebamy sćěhowace daty: wužiwarske čisło (hlej bibliotekski wupokaz), telefoniske čisło abo e-mail adresu, požadane medije (awtor, titul, ewentualnje signatura)
4. Dojednamy z Wami čas, w kotrymž móžeće medije w zachodźe instituta wotewzać.
5. Medije so na Waše bibliotekske konto wupožča.

Wotewzanski čas móžeće z nami wot póndźele do štwórtka mjez 9.00 a 14.00 hodź. dojednać.

Prošu dźiwajće na to:

- Čas wotewzaća wobjima 15 mjeńšinow. Jeli tola we wučinjenym času njemóžeće přińć, informujće nas prošu sčasom.
- Přistup do instituta wobmjezuje so na zachod do domu.
- Prosymy wo wobkedźbowanje znatych hygieniskich předpisow (nošenje FFP2- abo mediciniskeje maski, zakaz přistupa za wosoby z typiskimi symptomami nazymjenja, ...)
- Poskitk wupožčowanja płaći jenož za wobstatk biblioteki.