Dźěłarnička: Warnočanska generacija

Kónc septembra (29./30.9.) wotmě so we wobłuku wot Němskeho slědźerskeho zhromadźenstwa DFG (Deutsche Forschungsgemeinschaft) spěchowaneho projekta „Serbska młodźina w ČSR 1945–1950“ w Budyšinje dźěłarnička z čěskimi a němskimi kooperaciskimi partnerami. W srjedźišću steještej wuměna wo koncepciji projekta a wobsahowe planowanje zhromadneho dźěła w přichodnych lětach projekta. Ekskursija do Warnoćic, hdźež bu loni hakle wučbna šćežka „Na serbskich slědach we Warnoćicach“ wotewrjena, wudospołni zarjadowanje. Projektna wjednica dr. Jana Piňosová bě spokojom z konstruktiwnym zeńdźenjom, kotrež skićeše nowe perspektiwy na zhromadne dźěło.

Awtorka krótkeje rozprawy: Jana Piňosová

• dale čitać w zdźělence wot 19.5.2025, kotraž wobsahuje tež zjimanje cyłeho slědźerskeho projekta