Kak pisaja pólscy awtorojo serbske stawizny?

Dźensa (2. februara) wozjewi Serbski institut na swojim wědomostnym blogu nowy přinošk w rjedźe “Geschichte machen / Stawizny tworić”. Prof. Pjotr Pałys (Šleski institut, Opole) skicěruje tradicije pólskeje sorabistiki 19. a 20. lětstotka.

Pólske rysowanje serbskich stawiznow je zwjetša do powšitkownišich wopisanjow Łužicy zapołožene. Tola tež sorabistika w Pólskej zhladuje na dołhu tradiciju a móže wosebje na polu stawizniskeho slědźenja na nahladne wukony pokazać. Tak pochadźatej hnydom dwě monografiskej cyłkownej zwobraznjeni serbskich stawiznow z pjera pólskich awtorow. Wobě twórbje, kotrejž nastaštej w cyle rozdźělnych dobach a wšelakich kontekstach, so w přinošku skrótka předstajitej a wobsahowje charakterizujetej.

awtor:
dr. hab. Piotr Pałys, prof. je wotrjadnik w Šleskim instituće / Instytut Śląski w Opolu

přinošk:
Pałys, Pjotr: Der Blick der Nachbarn. Darstellungen sorbischer Geschichte in Polen, in: Lausitz – Łužica – Łužyca. Aspekte der Beziehungs- und Verflechtungsgeschichte einer zentraleuropäischen Brückenlandschaft (erschienen am 2.2.2026). URL: https://lausitz.hypotheses.org/2912