Nowe wudaće Wokolnika wozjewjene!

Aktualny Wokolnik informuje po zwučenym wašnju wo nowinkach ze sorabistiskeho slědźenja, nowych publikacijach a přichodnych zarjadowanjach Serbskeho instituta. Zdobom zhladuje na někotre minjene konferency, dźěłarnički a delegacije wróćo.

Z předsłowa direktora Serbskeho instituta, prof. dr. Hauke Bartelsa:

[…] krajina akademiskich publikacijow přeměnja so hižo wjacore lěta razantnje. Nimo digitalnosće, hraje swobodny přistup přeco wjetšu rólu  (strategija open access). Za tym tři, wědu (a přisłušne resursy) wšitkim swobodnje spřistupnić. Serbski institut sćěhuje hižo wjele lět tutu strategiju, a je derje přihotowany ze swojimi rěčnymi a informaciskimi portalemi w interneće (dolnoserbski.de, hornjoserbsce.de a SORABICON), z Małym rjadom, kotryž wudawamy hižo wot lěta 2017 tež jako PDF-wersiju ze swobodnym přistupom za kóždeho, a z Lětopisom, kotryž wuchadźa wot lěta 2023 online a zadarmo. Zhromadnje ze SLUB w Drježdźanach […] móžachmy to nětko z pomocu noweho publikaciskeho serwera tež technisce zwoprawdźić (hlej zdźělenka). Po tym puću kročimy konsekwentnje dale.

Nětko online čitać a so přizjewić!