Pućowaca wustajeńca “Swoboda kiwa! Serbja a mjeńšinowe prašenje po 1918” w Liberecach
termin: 07.10.2025 - 14.11.2025
Městno zarjadowanja: Wissenschaftlichen Bibliothek Liberec, Rumjancevova 1362/1, 46001 Liberec-Staré Město
Krajská vědecká knihovna
- Čas wustajeńcy: 7.10.2025 hač do 14.11.2025
- Vernisaža: 7. 10. w 17:00
- Přednošk k wustajeńcy: 22. 10 10 w 18:00
Wo wustajeńcy
“Swoboda kiwa”, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.
Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
