Słowjanski rěčny atlas (OLA)

Słowjanski rěčny atlas (Obščeslavjanskij lingvističeskij atlas, OLA) je dołhodobny multilateralny projekt słowjanskich krajow a Němskeje. Atlas wuchadźa w knižnej formje w dwěmaj serijomaj we wšitkich wobdźělenych partnerskich krajach. Jedna so wo prěnje makrodialektologiske předewzaće, kotrež zjima informacije wo dialektnych rozdźělach we wobłuku cyłeje rěčneje swójby.

We wšěch atlasowych zwjazkach, z kotrychž su stajnje někotre w procesu přihotowanja a wudawanja, dyrbi so prawe předstajenje serbskeho rěčneho materiala garantować. Wobaj sobudźěłaćerjej dźěłataj / staj dźěłałoj předewšěm w subkomisiji za spowšitkownjacu transkripciju, kotraž twori z pomocu morfonologiskeje analyzy narěčneho materiala ze wšěch přepytowanych městnosćow bazu za jeho kartografiske předstajenje w zwjazkach leksikografiskeje serije. Sonja Wölkowa je tutu subkomisiju přez lětdźesatki nawjedowała a je hač do swojeho wuměnka čłon dźěłoweje skupiny za koordinaciju zasadźenja informaciskeje technologije při wobdźěłanju atlasa była.

Wobaj wobdźěłarjej staj tohorunja awtoraj kartow w leksikaliskej seriji atlasa. Tuchwilu přihotuje so w Serbskim instituće wudaće 7. zwjazka leksikaliskeje serije Słowjanskeho rěčneho atlasa (drasta a wobuće, hygiena a medicina).

Wuslědki

najnowše publikacije: dalše pod http://www.slavatlas.org/publications.html

• Obščeslavjanskij lingvističeskij atlas. Serija leksiko-slovoobrazovatel’naja. Vypusk 12. Ličnye čerty čeloveka. Moskva-St. Peterburg 2020, 382 s.
• Obščeslavjanskij lingvističeskij atlas. Serija fonetiko-grammatičeskaja. Vypusk 9. Refleksy *tort, *tolt, *tert, *telt, *ort, *olt. Praha 2019, 188 s.
• Kartoteka Słowjanskeho rěčneho atlasa w Serbskim instituće: Materialije štyrjoch informaciskich dypkow k naprašniku Voprosnik obščeslavjanskogo lingvističeskogo atlasa (Moskwa 1965):

Zawod k wužiwanju serbskich materialijow za OLA-projekt

1. 1. Dešno/Dissen (#T234)
      Materialije
      Wopisanje
   2. Hory/Bergen (#T235)
      Materialije
      Wopisanje
   3. Brězowka/Halbendorf (#T236)
      Materialije
      Wopisanje
   4. Radwor/Radibor (#T237)
      Materialije
      Wopisanje