Pućowaca wustajeńca w Kamjencu: “Swoboda kiwa! Serbja a mjeńšinowe prašenje po 1918 “

termin: 31.05.2023 - 08.08.2023
Městno zarjadowanja: Klóšterska cyrkej a sakralny muzej swj. Hany, Šulske městno 5, 01917 Kamjenc

“Swoboda kiwa”, rěka spočatk 1919 z wulkej nadźiju, jako so europska zemjepisna karta po skónčenju Prěnjeje swětoweje wójny znowa rjaduje. Pućowaca taflowa wustajeńca Serbskeho instituta prezentuje wjeršk serbskich narodnych prócowanjow mjez swětowymaj wójnomaj. Při tym stajane prašenja za kolektiwnym samopostajowanjom, za tolerancu a wurunanjom zajimow mjez mjeńšinu a wjetšinu su hač do dźensnišeho aktualne.

Wernisaža budźe srjedu, dnja 31. meje 2023, 19:00 hodź.:

  • postrowjenje:
    dr. Sylke Kaufmann, wjednica Lessingoweho muzeja Kamjenc / Měšćanske zběrki Kamjenc
  • zawod:
    dr. Friedrich Pollack, historikar při Serbskim instituće
  • hubdźba: Jan Brězan

Wustajeńca je wotewrjena wot 31. meje hač do 8. awgusta 2023: póndźelu hač do pjatka wot 10:00 do 18:00 hodź., sobotu a njedźelu kaž tež na zakonskich swjatych dnjach přeco wot 11 do 16 hodź.

Wustajeńca je so spěchowała wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.

dalše informacije k wustajeńcy a wobrazy