Serbske ludowe bajki wot Pawoła Meda japansce wušli

Prof. Hisako Ono je 13. měrca Serbski institut wopytała, zo by swoje w lěće 2023 wušłe japanske přełožki serbskich bajkow Serbskej centralnej bibliotece přepodała. Jedna so wo baje Pawoła Neda, kotrež su w uniwersitnym časopisu International Culture and Communication Studies, wudaće čo. 6 / March 2023 (Departement Of International Culture and Communication at Toyo University) wozjewjene. Konkretnje: Sydom bratrow, Złote kubło, Palman a Hilžička.

Prof. Hisako Ono je profesorka na Toyo uniwesiće w Tokiu a zaběra so z naratologiju (slědźenje wo powědkach). Hižo w lěće 2019 je Serbski institut wopytała. Tuchwilu dóstawa slědźerski stipendij Japanskeje towaršnosće za spěchowanje wědomosće, zo by slědowacu temu přeslědźiła: “Tradierende Literatur und Identität: Die Lebensweise einer Minderheitengruppe anhand der Geschichte des sorbischen Volkes erkennen” (Starodawna literatura a identita: Žiwjenske wašnja mjeńšinoweje skupiny na přikładźe stawiznow serbskeho ludu spóznać).

Žórło:

• Sorbian Folktales (9) edited by Paul Nedo, Hisako Ono 東洋大学文学部紀要「国際文化コミュニケーション研究」 (6), str. 119 -138, wudaće 2023/03