“Po čerwjene jejka hić” – Serbske jutrowne jejko mjez nałožkom, rěču a symboliku

Hač chodźimy “po čerwjene jejka” abo hač “jutrowne hněžka” pytamy – serbske jutrowne jejko bě a je nadal kruty wobstatk jutrownych tradicijow a jutrownych darow we Łužicy.
Hižo krótka zaběra z pisanymi drohoćinkami da zwěsćić, zo jich woznam tutón kontekst daloko přesahuje. We wudebjenych jutrownych jejkach zetkawaja so najwšelakoriše wočakowanja, sebjezrozumjenja, identity a komunikatiwne wotpohlady. Móžemy je w aktualnym diskursu přeslědźeć, w tradiciji dožiwjeć a w symbolice zetkamy so z nimi w estetizowanej formje. Přednošk ma wćipnosć budźić na serbske jutrowne jejko jako překročer hranicy mjez materielnym a imaterielnym kulturnym herbstwom a skići po tym składnosć, wudebjenje w serbskich technikach sam wuspytać.

Zakład přednoška je promociske předewzaće referentki z titulom „Studien zur Semiotisierung des sorbischen Ostereis“. W tutym rozestaji so Marleen Schindler mjez druhim ze zběrku serbskich jutrownych jejkow Lotara Balka a analyzuje kwalitatiwne interviewy wo žiwej nałožkowej praksy.

Po někak połhodźinskim přednošku móža wobdźělnicy serbske techniki wudebjenja pod nawodom sami wuspytać. Wotpowědujo wulkosći skupinje, zajimam a rumnosćam steja wobě wóskowej technice, kaž tež wužrawanska a škrabanska technika k dispoziciji.

Přednošk a dźěłarnička wotmějetej so w serbskej a němskej rěči (powitanje, prašenja serbsce, přednošk němsce).

• Format
  dźěłarnička/kurs (z wobdźělenjom) z krótkim přednoškom
• Vortragende
  Marleen Schindler
• doba zarjadowanja
  2 hodźinje: 30 mjeńsin přednoška, 30 mjeńšin wujasnjenje techniki, 60 mjeńšin samostatne wudebjenje
• rěč
  Deutsch, Obersorbisch, zweisprachig, Englisch
• techniske wuměnjenja
  beamer, dosahaca ličba blidow za wšěch wobdźělenych
• Na koho so zarjadowanje měri?
  Hodźi so wosebje za towarstwa a wjesne skupiny, šulske rjadownje (wotpowědnje starobje přiměrjeny), wosady a za wšěch, kiž su na kreatiwnym tworjenju zajimowani.