Wupisanje dźěłoweho městna: wědomostny sobudźěłaćer we wobłuku Digital Humanities (m/ž/d)
Serbski institut je zwonkauniwersitne slědźenišćo w Budyšinje a Choćebuzu. Přeslědźuje rěč, stawizny a kulturu Serbow. Wotrjad Kulturne wědomosće pyta tak spěšnje kaž móžno, najzašo pak wot 1. julija 2026, angažowanu sobudźěłaćerku/angažowaneho sobudźěłaćerja za dźěłowy wobłuk Digital Humanities.
Jedna so wo najprjedy na tři lěta wobmjezowane dźěłowe městno z podźělnym dźěłowym časom (50 %). Jeli so sobudźěłaćer za poziciju hodźi a wotpowědny zajim ma, móže so dźěłowy čas z dalšimi srědkami hač na 100 % powyšić. Su-li wosobinske wuměnjenja date, płaći so mzda po mzdowej skupinje 13 TV-L.
Waše nadawki
- natwar a dalewuwiće nošnych dźěłowych strukturow za předewazće Digital Humanities
- koordinacija na datowych bankach bazowacych dlěšedobnych předewzaćow
- dalewuwiwanje portala wědy Sorabicon w zhromadnym dźěle z fachownje zamołwitymi sobudźěłaćerjemi
- iniciěrowanje a přewjedźenje swójskich slědźenskich projektow we wobłuku Digital Humanities
- sobuskutkowanje při wuwiću a prócowanju wo projekty z třećich srědkow
- wuměna a mjezsobne splećenje z partnerami w regionje a w tu- a wukraju
Waš profil
- wotzamknjeny studij w Digital Humanities, datowym managemenće, informaciskich wědomosćach, kulturnych wědomosćach abo w stawiznach
- znajomosće we web-bazowacych technologijach, w skriptowych rěčach a strukturěrowanych datowych formatach (kaž na přikład HTML, CSS, Python, R, JavaScript, JSON, ewentualnje GeoJSON, PHP, SQL)
- znajomosće we wobchadźe z datowymi bankami kaž tež z běžnymi DH-gratami (kaž OpenRefine)
- znajomosće wotpowědnych standardow w kulturnowědomostnym a duchownowědnym managemenće slědźenskich datow
- komunikaciska kompetenca a kmanosć derje w teamje dźěłać
- samostatne a strukturěrowane dźěłowe wašnje
Nježadamy sej stajnu přitomnosć na słužbnym městnje, přejemy sej pak prawidłownu prezencu. Poskićujemy jobowy tiket jako potuńšenu jězdźenku (Deutschlandticket). Wočakuje Was mnohostronske a wotměnjawe dźěło w motiwowanym a interdisciplinarnym teamje.
Sćelće Waše požadanje ze zwučenymi podłožkami hač do 1.7.2026 bjezwuwzaćnje w digitalnej formje (PDF) na direktorat Serbskeho instituta z adresu si@serbski-institut.de. Wobkedźbujemy tež požadanja, kotrež pozdźišo dóńdu, njeje-li dźěłowe
městno hižo wobsadźene. Kóšty w zwisku z požadanskim procesom njemóžemy Wam wurunać.
Serbski institut spěchuje powołanske runostajenje wšěch splahow a podpěruje wurunany poměr mjez powołanjom a swójbu. Tohodla namołwjamy wosebje žony so požadać. Při samsnej kwalifikaciji dźiwamy we wosebitej měrje na ćežkozbrašenych
požadarjow.
Maće-li prašenja, wobroćće so prošu direktnje na nawodu kulturnowědomostneho wotrjada, dr. Friedricha Pollacka: friedrich.pollack@serbski-institut.de.
Wjeselimy so na Waše požadanje!
Pokiw datoweho škita: Ze zapodaćom wašeho požadanja přihłosujeće předźěłanju Wašich na wosobu so poćahowacych datow w ramiku a k přewjedźenju požadanskeho procesa. Tute přizwolenje móžeće kóždyžkuli čas bjez mjenowanja přičin pisomnje abo elektronisce napřećo direktoratej cofnyć, Prošu wobkedźbujće zo tajke cofnjenje přizwolenja k tomu wjedźe, zo njemóžemy Waše požadanje w tutym procesu wjace wobkedźbować.