Broniš, Pawoł Fryco (1830-1898) & Broniš, Matej Bogumił (1868-1937)
Broniš, Pawoł Fryco – Bronisch, Paul Friedrich
* 9. 6. 1830 Jaseń / Jessen
† 11. 12. 1898 Choćebuz / Cottbus
Farar, wudawar nabožinskeje literatury.
Nan Mateja Bogumiła Broniša; 1859–73 farar w Lutolu pola Choćebuza, 1873–98 archidiakon při klóšterskej (serbskej) cyrkwi w Choćebuzu. B. słušeše 1880 do sobuzałožerjow Maśicy Serbskeje a běše wjele lět sobustaw jeje předsydstwa a bě předsyda wuběrka Towarstwa pomocy za studowacych Serbow.
ŽÓ./LIT.: Mětšk, Chrestomatija, I, str. 29-36
Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984
Bronisch, Matthias Gotthelf
* 3. 6. 1868 Lutol pola Choćebuza / Leuthen bei Cottbus
† 12. 1. 1937 Berlin-Wilmersdorf
Farar, rěčespytnik, dr. phil., wodźićel delnjołužiskich Młodoserbow.
Syn Pawoła Fryca Broniša; studij teologije a slawistiki w Göttingen, Berlinje a Lipsku; 1900–03 pomocny farar při klóšterskej (serbskej) cyrkwi w Choćebuzu, 1903–08 farar w Gorjenowje a 1908–17 w Barmenu-Wupperfeldźe, 1917–37 wyši farar a superintendent w Čelichowje.
Po zběhnjenju fakultatiwneje serbšćiny na Choćebuskim gymnaziju 1888 započa swojich sobušulerjow rozwučować w maćeršćinje. Z toho forměrowaše so pozdźišo pod B. Šwjelu a W. Nowym delnjołužiske młodoserbske hibanje. 1890 započa wudawać prěni delnjoserbski młodźinski organ Serbska Wutśoba, kiz pak po někotrych tydźenjach wjazny. Promowowaše z dźěłom wo kašubskich dialektach a
dopisowaše wosebje rěčne powučenja do Bramborskeho Casnika. Bě sobustaw serbskeho studentskeho towarstwa Sorabicum w Berlinje. 1889 załoži serbske spěwne towarstwa w Chmjelowje, Zaspach a Škodowje.
ŽÓ./LIT.: F. Mětšk, Čěske wliwy a styki w młodoserbskim hibanju Delnjeje Łužicy 1888–1909 – Slavia Occidentalis 23 (1963). str. 110–112; ts., Wo pomorsko-kašubskich poćahach Delnjoserba Mjertyna Tylki – Sorabistiske přinoški k VI. Mjezynarodnemu kongresej slawistow w Praze 1968, Budyšin 1968, str. 155–156
Nowy biografiski słownik k stawiznam a kulturje Serbow, wud. wot: Jan Šołta, Pětr Kunze a Franc Šěn, Budyšin: Ludowe nakładnistwo Domowina, 1984