Bulank, Jan (1931–2002)
komponist a chórowy dirigent
amtl: Jan Bulang
7. 9. 1931 we Wotrowje jako syn pjekarskeho mištra rodźeny. 1937-43 ludowa šula we Wotrowje, 1943-52 Lessingowa šula w Kamjencu a Serbska wyša šula w Budyšinje. 1952 matura. 1952-55 studij na Wysokej šuli za hudźbu „Felix Mendelssohn Bartholdy“ w Lipsku, předmjet kompozicija, 1955-58 na Wysokej šuli za hudźbu „Franz Liszt“ we Weimarje, předmjet chórowe a ansamblowe nawodnistwo. Diplomowy chórowy a ansamblowy nawoda. 1958 docent na Serbskim wučerskim wustawje, 1960-64 wuměłski nawoda SLA, 1964-69 swobodnje tworjacy, wot 1970 wyši hudźbny nawoda SLA. Wot 1964 do 1994 nawjedowaše chóraj „Lipa“ a „Budyšin“. Wot 1980 do 1990 bě z předsydu Koła serbskich hudźbnikow. Zemrě 17. 1. 2002 w Mješicach.
wuznamjenja: 1959 a 1966 Myto Ćišinskeho, 1972 titul Hudźbny direktor, 1965 a 1976 Wuměłske myto Domowiny, 1969 Statne myto za ludowe wuměłske tworjenje; 1977 Wuměłske myto NDR; 1982 Narodne myto NDR za wuměłstwo.
někotre twórby:
1957 šulska kantata „K swětłu, k słóncu“; 1958 hudźba k dramje J. Brězana „Marja Jančowa“; 1960 kantata „Stara a nowa hola“; 1965 „Serbska reja“ a uwertira k hrě „Marja Jančowa“; 1968 koncertantna swita „Kokot“; hudźba k mnohim baletnym a spěworejowanskim wobrazam, mjez druhim „Slepjanski folklorny wobraz“, „Chlěb a sól“, 1989 „Wjerćak“ a dr.; 1976 dźěćacy balet „Kito – husličkar“; „Slepjanska swita“; hudźba za film „Hdźež wódny muž bydli“(1971), „Portret srjedźišća“(1975) a 1989 za film …… ; 1981 komorny oratorij „Struga“ (njedokónčeny), 1989 reja „Wjerćak“; baletny cyklus „Ptači kwas“.
wobdźěłanja, orchestrowe přewody za oratorije:
„Zyma“ (1966/67); „Nalěćo“ (1971/72); „Podlěćo“ (1989); a nawod předstajenjow tutych a dalšich oratorijow Kocora, Missy solemnis a sinfoniskich twórbow Krawca, mnohich spěwow
wudaća:
1957 spěwnik „Młoda garda smy našeho ludu“ (zhromadnje z Michałom Nawku); 1959 spěwnik „Bratrowstwo“; 1965 dwuzwjazkowy antologiski spěwnik „Wšón klinčeć dyrbi serbski kraj“; 1970 spěwny zešiwk „10 spěwow za třihłósny chór; 1974 zběrka „Ryma, ryma rej. Sorbische Volkslieder in Sätzen für gemischten Chor a capella“, Hofmeister Lipsk; 1980 „Towaršny spěwnik“ (zhromadnje z Janom Handrikom); CD „Radosć z nami je. Spěwy za dźěći“, kompozicije a wobdźěłanja wot Jana Bulanka, Budyšin 2001.
Bei dem hier präsentierten Verzeichnis handelt es sich nicht um ein archivisches Findbuch des Nachlasses von Jan Bulank, sondern um ein Werkverzeichnis, das von Jan Bulank gemeinsam mit Jan Knebel erstellt und nach Bulanks Tod von Jan Knebel weitergeführt wurde (JKV = Jan Knebel Verzeichnis). Die im SKA aufbewahrten Dokumente sind im Werkverzeichnis als „Archiv Jan Bulank“ gekennzeichnet und können Interessenten im Lesesaal vorgelegt werden. Zum Nachlassbestand gehören ausschließlich Bulanks kompositorische Werke, keine Lebensdokumente.