Pytanje Lochka rěč Stronu předčitać zwobraznjenje
 Pytanje  Lochka rěč  Stronu předčitać  zwobraznjenje

Wjerć mje pola herca: Serbske reje tehdy a dźensa

Impression aus dem Tanzhaus Lausitz in Cottbus
Impression vom sorbischen/wendischen Tanzhaus Lausitz in Cottbus © A. Batke (14.4.2025)

Serbska rejowanska folklora je w Serbach na jewišću widźomna a derje znata. Kak pak su prjedownicy na kwasach abo wjesnych swjedźenjach rejowali? A kajka hudźba k tomu zaklinča? Što nam žórła k tomu přeradźa a kak je so ludowa reja na jewišća dóstała? Hišće dźensa so tu a tam ludowe reje rejuja, někotre formy su so wuchowali, druhe pozabyte reje so poněčim zaso wozrodźa.

Na zarjadowanju poskića so přednošk k serbskim ludowym rejam jako imaterielne kulturne herbstwo. Na zakładźe starych žórłow a pisanych ilustracijow poda so dohlad do stawiznow a přitomnosće serbskich ludowych rejow a jeje wuwića k jewišćowej folklorje kaž tež k dźensnišim wašnju ludoweho rejowanja. Po přednošku je składnosć za mjezsobnu wuměnu a zhromadne wupruwowanje jednorych rejowanskich kročelow k hudźbje. Z tym hodźi so nazhonjena wěda hišće na městnje hnydom tež praktisce wuspytać.

  • Vortragende
    Theresa Jacobsowa
  • doba zarjadowanja
    ca. 90 mjeńšinow
  • rěč
    Deutsch, Obersorbisch, zweisprachig
  • techniske wuměnjenja
    beamer, płatno, městno k rejowanju
  • Na koho so zarjadowanje měri?
    šulerjo, kulturne towarstwa a skupiny, swójby, za wšě generacije


    Naprašowanje


    Prošu skontaktujće nas ze slědowacym formularom. Zapisajće Waše terminowe přeća za wot was wuzwolene zarjadowanje do tekstoweho pola „Waša powěsć na nas“! Waše naprašowanje sposrědkujemy wotpowědnemu přednošowarjej, kiž budźe was termina dla kontaktować. Próstwa: Bychmy so wjeselili, jeli byšće we Wašej wokolinje za naše zarjadowanje wabili. Wozjewimy termin přidatnje na našej homepage.