Etnografojo ze Šwicy wopytaja serbsku Łužicu

Dnja 30. septembra wopyta skupina ludowědnicow a ludowědnikow ze Šwicy, pod nawodom Paula Wicky, Łužicu. Prawidłownje wopytaja na swojich kubłanskich jězbach narodne mjeńšiny a zeznajomnja so z jich stawiznami, aktualnymi wužadanjemi a wuhladami do přichoda. W srjedźišću stejachu lětsa Serbja.

Skupina poda so na slědy serbskich stawiznow, mjez druhim w Błótach, Choćebuzu, Zhorjelcu a Budyšinje. W Serbskim instituće zaběrachu so nadrobnišo z temami, kotrež koncentrowachu so wosebje na wosobinske wobsahowe ćežišća zajimcow. K tomu słušachu koncepty daledawanja serbskeje rěče, wobchad z ludowymi rejemi, politiske dźěło a powšitkownje organizowanje wšědneho žiwjenja Serbowkow a Serbow w a zwonka Łužicy. Přizamkny so wjedźenje po Budyšinje z indiwiduelnymi rozmołwami a diskusijemi.

Rozprawa wot dr. Therezy Jacobsoweje.