Nowe wudaće wo folklornych centrach w NDR

W Małym rjedźe Serbskeho instituta zešiwk čo. 39 wušoł (open access)

W 1970tych lětach nastachu po cyłej NDR centry za hajenje, dokumentaciju a dalewuwiwanja kulturneho herbstwa. Tute folklorne centry, mjez druhim Serbski folklorny centrum w Budyšinje, mějachu žórła wotkryć, ludowuměłske kolektiwy nawjedować a přinoški wo folklornym slědźenju wozjewjeć. Wo woprawdźitym dźěle centrow je dotal mało znate. W Małym rjedźe je nětko wušoł zwjazk “Folklorne centry w NDR: Dokumentacija, přeslědźenje a walorizacija kulturneho herbstwa w socializmje” wot Sönke Friedricha, Theresy Jacobsoweje a Ines Kelleroweje. Z předležacej publikaciju zjimaja awtorojo prěni raz aktualny staw wědy wo róli a wuznamje folklornych centrow a wobchowanych materialijow jako zakład za dalše slědźenja.

Ideja za publikaciski projekt dźe wróćo na iniciatiwu ludowědno-kulturno-antropologiskeje “Syće za wšědnu kulturu we wuchodźe” (Netzwerk Alltagskultur Ost, NAO), kotraž bu w lěće 2020 załožena a kotrejž Serbski institut přisłuša. W syći su zjednoćene zwonkauniwersitne instituty a slědźenišća, krajne zarjadnišća a muzeje we wuchodoněmskich zwjazkowych krajach. Syć zasadźi so za widźomniše slědźenje a zběrki wo wšědnej kulturje.

Wo kulturnym herbstwje so tuchwilu zaso wjele diskutuje, nic jenož w Serbach. Tež dźensa su strategije za konstrukciju kulturneho herbstwa w fokusu. Dźensniša wěda dźe zwjetša wróćo na akterki a akterow něhdyšich folklornych centrumow kaž tež na tam nastate dźěła. Přisłušne stawizny su lědma wobdźěłane. Dobra přičina, so sylnišo z rolu a woznamom folklornych centrow zaběrać.

Informacije kompaktnje

• titul: Folklorezentren in der DDR: Dokumentation, Erforschung und Inwertsetzung kulturellen Erbes im Sozialismus
• wud. Sönke Friedreich, Theresa Jacobsowa a Ines Kellerowa
• Mały rjad Serbskeho instituta, čo. 39
• lěto wudaća: 2025
• 116 str., 40 wobrazow, A5-brošura
• ISBN: 978-3-948166-87-8, płaćizna: 12,00 eurow
• DOI: https://doi.org/10.59195/2026.4

Wobsah

• předsłowo, 7
• Sönke Friedreich, Theresa Jacobs, Ines Keller: Folklorezentren in der DDR. Dokumentation, Erforschung und Inwertsetzung kulturellen Erbes im Sozialismus. Eine Einleitung, 8
• Petra Himstedt-Vaid: Das Mecklenburgische Folklorezentrum in Rostock, 18
• Annette Schneider-Reinhardt, Ortrun Vödisch: Das Zentrum Harzer Folklore in Wernigerode, 36
• Katja Margarethe Mieth: Das Folklorezentrum Erzgebirge/Vogtland in Schneeberg, 51
• Juliane Stückrad: Folklorezentren in Thüringen, 63
• Juliane Stückrad: Das Thüringer Folklorezentrum in Erfurt, 65
• Juliane Stückrad: Das Folklorezentrum des Bezirkes Gera, 71
• Meike Leyde, Ingo Weidig: Das Folklorezentrum des Bezirkes Suhl, 79
• Theresa Jacobs, Ines Keller: Das Sorbische Folklorezentrum in Bautzen, 85
• Literatur zu den Folklorezentren in der DDR, 105
• awtorki a awtorojo, 112