23./24. septembra, konferenca: Mjeńšiny za železnym zawěškom

termin: 23.09.2026 - 24.09.2026

Městno zarjadowanja: Zabrze (Pólska)

Mjezynarodna wědomostna konferenca pod titulom „Mjeńšiny za železnym zawěškom/Minderheiten hinter dem Eisernen Vorhang“ wěnuje so statnej politice napřećo narodnym mjeńšinam w srjedźnej a wuchodosrjedźnej Europje za čas zymneje wójny (1945–1989). W srjedźišću steji prašenje za žiwjenskimi wuměnjenjemi mjeńšin w awtoritarnych režimach, kotrež zasadźichu w prócowanju wo towaršnostne překnježenje šěroku paletu kontrolnych a dalšich wodźenskich instrumentow. Na konferency so wobdźěla stawiznarjo a kulturni wědomostnicy z Pólskeje, Čěskeje a Zwjazkoweje republiki Němskeje.

Organizacija

• slědźenski centrum Němskeje mjeńšiny w Opolu (Michał Matheja; Marek Mazurkiewicz)
• w kooperaciji ze Serbskim institutom w Budyšinje (Friedrich Pollack; Edmund Pjech)