| 27. - 29. meja 2021 | 3. Zetkanje syće młodych akademikarjow-sorabistow Interdisciplinarna wuměna a mjezsobne zeznaće slědźerkow a slědźerjow, kotřiž so ze Serbami pod regionalnym abo specifisko-tematiskim widom zaběraja resp. tajke dźěło planuja (na př. bachelorske, masterske, magisterske resp. doktorske dźěło abo post-doc-projekt). Program dorostoweho zetkanja Dalše informacije a kontakt, hlej připowědźenje wot 23.2.2021 | digitalnje |
| 6./7. meje 2021 | 22. lětne zeńdźenje dźěłoweho kruha za nakrajne rumy Němskeho towarstwa za geografiju a předchadźaca dorostowa dźěłarnička Lětne zeńdźenje a dźěłarnička organizuje Serbski institut zhromadnje z Thünenowym institutom za nakrajne rumy (Brunšwik) - prěni króć we Łužicy. Zarjadowani wěnujetej so w přirunowacej perspektiwje poměrej mjez wjetšinami a mjeńšinami na kraju. Program steji na domjacej stronce dźěłoweho kruha za nakrajne rumy. Dalše informacije pod ak-laendlicher-raum.de a call for papers jako pdf . | online (z Budyšina) |
| 20. apryla 2021 | Wotewrjenje pućowanskeje wustajeńcy "Swoboda kiwa. Serbja amjeńšinowe prašenje po 1918"Wustajeńca informuje wo wuwiću serbskeho prašenja we zwisku z noworjadowanjom Němskeje a Europy po 1. swětowej wójnje a pokazuje tež pózdnje sćěwki tutoho časa hač do dźensnišeho. Wustajeńca je w Serbskim muzeju w Budyšinje natwarjena a tam hač do 28. meje zjawnosći přistupna, rućež muzeje zaso durje wotewru (staw: kónc apryla). Po tym dźe taflowa wustajeńca na pućowanje po Łužicy, Sakskej a Braniborskej kaž tež po Čěskej a Pólskej. Zjawne zarjadnišća, kiž maja zajim na wupožčenju, njech wobroća so na Serbski institut. Wustajeńca so spěchuje wot Ministerstwa za wědomosć, slědźenje a kulturu kraja Braniborska, wot Sakskeho statneho knježerstwa, wot Němsko-Čěskeho fonda přichoda/ Česko-německý fond budoucnosti a wot Załožby za serbski lud, kotraž dóstawa lětnje přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma. | digitalna prezentacija (za zastupjerjow medijow) |
Hornjoserbsce
Deutsch
English
Dolnoserbski
