Wupisanje dźěłoweho městna: Asistenca/sekretariat kulturnowědomostneho wotrjada (m/ž/d)
K zesylnjenju našeho kulturnowědomostneho wotrjada w Budyšinje pytamy k přichodnemu móžnemu terminej, najzašo pak wot 1. julija 2026, angažowaneho/u sobudźěłaćerja/ku (m/ž/d) za sekretariat.
Jedna so wo njewobmjezowane dźěłowe městno we wobjimje 25 hodźin wob tydźeń. Wo zwyšenje tydźenskeho dźěłoweho časa so prócujemy, jeli su zajim a wosobinske wuměnjenja date.
Waše nadawki:
- koordinacija wotrjadneho sekretariata a podpěra wjednistwa při wšědnych nadawkach
- wobdźěłanje powšitkownych nadawkow w běrowje, wosebje korespondency, składowanje podłožkow, hladanje terminow a protykow
- hladanje na wotrjad so poćahowacych podłožkow, přehladow a kontaktowych datow
- kontaktna wosoba za sobudźěłaćerki/jow, hosći a eksterne kontakty
- podpěra při přihotach, přewjedźenju a dopřihotowanju posedźenjow a zarjadowanjow
- podpěra při aktualizowanju webstrony a mjeńšich přełožkach
Waše kwalifikacije:
- nazhonjenja z dźěłom w běrowje, zarjedźe abo sekretariaće, po móžnosći wotpowědne wotzamknjene powołanske wukubłanje
- jara dobre ertne a pisomne znajomosće němčiny a serbšćiny
- wěsty wobchad z načasnej běrowowej a komunikaciskej techniku a software
- wušiknosć w organizaciji, spušćomnosć a systematiske wašnje dźěłanja
- zamóžnosć, derje w teamje dźěłać a přećelne wustupowanje
Skićimy Wam:
- dźěłowe městno w Budyšinje z fleksibelnym dźěłowym časom
- mnohostronske a wotměnjawe dźěło
- mzdu po tarifje hač k skupinje 6 TV-L
- 30 dnjow dowola wob lěto
- potuńšeny němski tiket jako jobtiket
- móžnosće dalekubłanja
Serbski institut spěchuje powołanske runostajenje wšěch splahow a podpěruje wurunany poměr mjez powołanjom a swójbu. Při samsnej kwalifikaciji dźiwamy we wosebitej měrje na ćežkozbrašenych požadarjow.
Waše požadanje z trěbnymi podłožkami pósćelće prošu hač do 30.6.2026 w digitalnej formje (e-mejlka z jeničkim přiwěškom w formaće pdf) do direktorata Serbskeho instituta na adresu si@serbski-institut.de. Pozdźišo dochadźace požadanja móža so wobkedźbować, jeli městno hišće wobsadźene njeje. Wudawki w zwisku z požadanjom njemóža so zarunać.
Maće-li prašenja, wobroćće so rady direktnje na nawoda wotrjada, dr. Friedricha Pollacka: friedrich.pollack@serbskiinstitut.de.
Wjeselimy so na Waše požadanje!
Pokiw k škitej datow: Ze zapodaćom swojeho prócowanja přihłosujeće předźěłanju Wašich wosobinskich datow we wobłuku a k přewjedźenju procesa požadanja. Tute přizwolenje móže so kóždy čas bjez podaća přičin pisomnje abo elektronisce napřećo direktoratej cofnyć. Prošu wobkedźbujće, zo wjedźe cofnjenje přizwolenja k tomu, zo njemóžemy Waše požadanje w běžacym požadanskim procesu hižo wobkedźbować.