Dźěłarnička wo imaterielnym kulturnym herbstwje w Braniborskej a Sakskej – přizjewjenje je móžne hač do 25. junija

Symbolowy wobraz za imaterielne kulturne herbstwo: ranki kostorjancow za Janske jěchanje © Serbski institut / St. Bierholdtowa

termin: 02.07.2025 13:00 - 18:00 hodź.

Městno zarjadowanja: IKMZ Choćebuz, Naměsto němskeje jednoty 2, 03044 Choćebuz

We wobłuku 7. požadanskeje fazy za Zwjazkowy zapis imaterielneho kulturneho herbstwa (BVIKE) wotměje so 2. julija w Choćebuzu zarjadowanje za wuměnu a poradźowanje kołowokoło imaterielneho kulturneho herbstwa w Braniborskej a Sakskej. Dźěłarnička měri so na hižo zapisanych nošerjow kaž tež na zajimowanych praktikarjow žiweho kulturneho herbstwa. Wuhotowarka je Němska UNESCO-komisija w kooperaciji z Ministerstwom za wědomosć, slědźenje a kulturu kraja Braniborska, ze Serbskim institutom, z projektom „Herbstwo Łužicy“ (UNESCO 5), z Błótowskim towarstwom, z Braniborskej techniskej uniwersitu Choćebuz-Zły Komorow kaž tež z Wědomostnej poradźowarnju za imaterielne kulturne herbstwo w Sakskej při Instituće za sakske stawizny a ludowědu.

Domowinu jako nošerske towarstwo w BVIKE listowanych „Towaršnostnych nałožkow a swjedźenjow Łužiskich Serbow w běhu lěta“ kaž tež sobudźěłaćerjo SI we wobłuku projekta „Praktiki imaterielneho kulturneho herbstwa w Delnjej Łužicy“ wobdźěleja so aktiwnje na programje.

Informacije k přizjewjenju a programej:

Nachwilny program za IKE-wučbne město (t) namakaće na webstronje UNESCO
Adresa zarjadowanja:
Městno Němskeje jednoty 2
03044 Choćebuz
Rumnosće zarjadowanjow hodźa so bjez barjerow docpěć.
Wobdźělenje je darmotne.
Na zakładźe wobmjezowanych městnow so wo přizjewjenje hač do najpozdźišo 25. junija 2025 prosy.