Mjezynarodny “Lětni kurs za serbsku rěč a kulturu” w Budyšinje
termin: 24.07.2026 - 08.08.2026
Městno zarjadowanja: Serbski gymnazij Budyšin
Cilowa skupina
- slawistki a slawisća
- studentki/studenća slawistiki z tu- a wukraja
- wšitcy, kotřiž chcedźa serbsce wuknyć
Wobsahi kursa
- hornjoserbske rěčne zwučowanja za započatkarjow a pokročenych (ca. 50 wučbnych jednotkow à 45 mjeńšin; zajimcy za delnjoserbšćinu namakaja na homepage Šule za dolnoserbsku rěc a kulturu aktualne informacije wo přichodnych kursach)
- přednoški wo serbskej rěči, literaturje, stawiznach a kulturje
- zetkanja ze serbskimi kulturnikami
- wopyty kulturnych institucijow a ekskursije ke kulturnohistorisce wažnym městnosćam Łužicy
Płaćizny, nóclěh a zastaranje:
nóclěh: Wobdźělnicy kursa zaměstnja so w Serbskim internaće Rěčneho centruma WITAJ na Friedricha Listowej dróze 8a w Budyšinje, hłownje w dwułožowych stwach. Wučba wotměje so w rumnosćach Serbskeho gymnazija w bjezposrědnym susodstwje.
płaćizny: Regularny popłatk za kurs wučinja 750,00 €, za studentki/studentow 500,00 €. Za wobdźělnikow ze słowjanskich resp. wuchodoeuropskich krajow płaći potuńšeny popłatk 500,00 € resp. 300,00 € (za studentow).
Popłatk zaruča wučbu, nóclěh, zastaranje a ekskursije.
Kontakt:
Z powšitkownymi a organizatoriskimi prašenjemi wobroćće so prošu na sekretariat Serbskeho instituta. Jeli maće fachowe prašenja, wobroćće so na dr. Fabiana Kaulfürsta.
Lětni kurs 2026
Serbski institut
Dwórnišćowa 6
02625 Budyšin
Tule namakaće dalše powšitkowne informacije wo rěčnym kursu Serbskeho instituta a wo jeho stawiznach.
Staw znajomosćow, wočakowanja, přeća